11-12-2021

سەلام عەبدولخالق، وتەبێژی دەزگای ئاسایشی هەرێمی کوردستان ئەمڕۆ چوارشەممە لەمیانی كۆنگرەیەكی ڕۆژنامەوانیدا ئاماری یەك ساڵی بەڕێوەبەرایەتی نەهێشتنی مادەهۆشبەرەكانی ئاشكراكردو ڕایگەیاند، بەڕیوەبەرایەتییەكە لەمساڵدا هەزار و 19 تۆمەتباریان دەستگیركردوە، كە بازرگان و بەكارهێنەریان تێدابوە و 49 تۆمەتباریان لە ڕەگەزی مێ بون.

ئاماژەی بەوەشكرد، لەو ژماریەش 523 كەسیان بەگوێرەی ماددەی 30 لە یاسای بەرەنگاربونەوەی ماددەی هۆشبەر دەستگیركراون كە بەكارهێنەربون، لەگەڵ ئەوەشدا 452 كەسی دیكەش بەگوێرەی مادەی 26 لە یاساكە دەستگیراون، كە بازرگان و دابەشكەری مادەهۆشبەرەكان بون، هەروەها 44 تۆمەتباری بازرگانی نێودەوڵەتیش دەستگیركراون.

وتەبێژی دەزگای ئاسایشی هەرێم باسی لەوەشكرد، لەماوەی ئەمساڵدا دەستیان بەسەر سێ تەن و 24 كیلۆ و 600 گرام ماددەی هۆشبەر لە جۆرەكانی كریستاڵ، هێرۆین، تلیاك، كۆكاین، ئەسید، حەشیش و چەندان جۆری دیكەدا گرتوە، هەروەها ئەمساڵ دەستگیراوە بەسەر 121 هەزار 330 دەنگ دەنك حەبی مادەهۆشبەرەكاندا، لەگەڵ ئەوەشدا دەستگیراوە بەسەر كارگەیەكی مادەی هۆشبەردا كە لەسەرەتای دامەزراندنیدا بوە.

ئەوەشی خستەڕو، بەڕێوەبەرایەتی نەهێشتنی مادەهۆشبەرەكان 23 چالاكی هاوبەشی لەگەڵ حكومەتی عێراق و لایەنە پەیوەندیدارەكانی هەرێمی كوردستان ئەنجامبدات و توانیوەیەتی 25 تۆڕی ناوخۆی و نێودەوڵەتی مادەهۆشبەكان دەستگیربكات.

وتەبێژەكەی دەزگای ئاسایشی هەرێم ڕونیكردەوە، لەسەر ئاستی هەرێمی كوردستان و هەمو عێراق، سلێمانی و دەوروبەری بە پاكترین شار دەستنیشانكراوە لە ڕوی ماددەی هۆشبەرەوە، ئەمساڵ بەراورد بە ساڵی ڕابردو بەكارهێنەرانی ئەو مادانە كەمیكردوە.

....

خەڵکی کانتۆنی ڕەقە و گوندەکانی دەوروبەری بۆ ئەندامی هێزەکانی ئاسایشی ناوخۆ شەهید ئیسماعیل عەلی ئەل عەبد لە شاری سەبخەی ڕۆژهەڵاتی ڕەقە شەهیدبوو، ئەندامی ڕێکخراوی کۆمەڵگەی مەدەنی شەهید ڕەفعەت عەبدوڵا عیسا لە ڕەقە شەهید بوو، ٢ شەڕڤانی قەسەدە محەمەد ئەل شەواخ و عەبدولکەریم محەمەد ئەل حوسێن لە حەلەب شەهید بوون، لە گۆڕستانی شەهیدانی گوندی حکومییە مەراسیمێکیان ڕێکخست.

لە مەڕاسیمەکەدا فەرماندەی مەجلیسی سەربازی ڕەقە شەهاب ئەلحوێش سەرەخۆشی لە بنەماڵەی شەهیدان کرد و گوتی: "بە دووژمن دەڵێین لە سەر زەوی و ژێر زەویش بە شەرەفەوە دەژین. هێرشەکانتان پێداگریمان زیاتر دەکات لەسەر بەرخۆدان".

ئەندامی هێزەکانی ئاسایشی ناوخۆ بەشار ئەلسەعب، سەرەخۆشی لە بنەماڵەی شەهیدان کرد و وتی: "لە بەرانبەر ئەم تیرۆر و تاوانە دڕندانەکانیاندا، ڕۆڵەکانمان وەفاداریی خۆیان بۆ پاراستنی خاک و گەلەکەیان نیشانداوە".

پاشان ناسنامەی شەهیدان خوێنرایەوە و ڕادەستی بنەماڵەکانیان کرا.

تەرمی شەهیدان بە دروشم بە خاک سپێردران.

..... ڕاگەیاندرا دەوڵەتی داگیرکەری تورک و چەتەکانی گوندەکانی زۆرمخار و ئەحمەد مونیر لە ڕۆژئاوای شاری کۆبانێی کانتۆنی فورات لە باکوور و ڕۆژهەڵاتی سوریا تۆپباران کرد.

.....

'ساڵح موسلیم': ئامادەی گفتوگۆین لەگەڵ هەیئەی تەحریری شام

هاوسەرۆکی پێشووی پەیەدەو ئەندامی ئێستای ئەنجوومەنی سەرۆکایەتییەکەی، دەڵێت "ئەم پارتە کوردییەی سوریا ئامادەیە لەگەڵ هەیئەی تەحریری شام سەبارەت بەئایندەی سوریا گفتوگۆ بکات".

ئاوێنە: موسلیم بە بەشی تورکی بی بی سی راگەیاند هەیئەی تەحریری شام ئەم ماوەیە قسەی زۆر باشیان کردو چاوەڕێی ئەوە دەکەین ئەم قسانە بخەنە بواری جێبەجێکردنەوە.

راشیگەیاند "ئەگەر ئەم گروپە هەنگاوێک لەئێمە نزیک بێتەوە، ئێمە دوو هەنگاو بەرەو ئەوان دەنێین".

موسلیم ڕەخنەی لە هێرشەکانی سوپای نیشتیمانی سوریا (بەپاڵپشتی تورکیا) بۆ سەر هێزەکانی هەسەدە لەناوچەکانی وەک منبج گرت، بەڵام لەهەمان کاتدا جەختی لەوە کردەوە کە ئەوان ئامادەن بۆ پەیوەندی لەگەڵ ئەنقەرە.

"یەکینەکانی پاراستنی گەل"ی سەر بەپەیەدە، پایەی سەرەکی هێزەکانی سوریای دیموکرات (هەسەدە) پێکدەهێنن.

ساڵح موسلیم لە نێوان ساڵانی 2012 بۆ 2015 پەیوەندی لەگەڵ دەسەڵاتدارانی تورکیا هەبووەو تەنانەت گەشتێکی بۆ ئەنقەرە پایتەختی ئەم وڵاتە کردووە.

بەڵام لە ساڵی 2018دا ناوی موسلیم خرایە لیستی "داواکراوان"ی وەزارەتی ناوخۆی تورکیاوە.

هەیئەی تەحریری شامیش وەک "گرووپێکی تیرۆریستی" لە تورکیا وەک زۆرێک لە وڵاتانی دیکە ناسراوە.

ساڵی 2012 بەدەستپێشخەری پەیەدە، ئیدارەی خۆسەری باکورو ڕۆژهەڵاتی سوریا پێکهێنرا، کە ئێستا بەشێکی زۆری باکووری ڕۆژهەڵاتی سوریای بەدەستەوەیە.

......

سێ ژنی کورد بە هێرشی تورکیا گیانیان لە دەستدا

لە مەنبج سێ ئەندامی ئەنجوومەنی ژنانی زنوبیا لە هێرشێکی ئاسمانی تورکیادا گیانیان لەدەستدا.

ئاوێنە: ئەمڕۆ چوارشەممە، 11ی کانوونی یەکەمی 2024، ئەنجوومەنی ژنانی زنوبیا، بەیاننامەیەکیان بڵاوکردەوە تێیدا گیان لەدەستدانی سێ ئەندامی خۆی لە ئەنجامی بۆردومانی منبج لەلایەن تورکیاوە ڕاگەیاند و تێیدا هاتووە" ئێمە لە کۆڕبەندی ژنانی زنۆبیا بە دڵێکی پڕ لە خەم ماتەمینی شەهیدبوونی هەڤاڵانی ئازیزمان، تێکۆشەرانی ئازا، قەمەرئەسواد، عائیشە عەبدولقادر، و ئیمان دەگرین، لە پێناو بەرگریکردن لە خاکەکەمان و بۆ بەرەنگاربوونەوەی دەستدرێژییەکانی تورکیا بۆ سەر منبج هەڤاڵان نموونەیەکی زیندوویان پێشکەشکردووە.

هەر لە بەیاننامەکەدا هاتووە، شەهیدبوونی هەڤاڵانمان کۆتایی خەباتیان نییە، بەڵکو سەرەتایەکی نوێیە بۆ نوێکردنەوەی بەڵێن و وەفادارییان بۆ دۆزی دادپەروەرانەی ئێمە، و بۆ بەدەستهێنانی ئازادی و سەربەخۆی خوێنی پاکیان خاکەکەمان ئاودێری دەکات و دەبێتە سووتەمەنی بۆ بەردەوامیمان خەبات بکەین تا سەرکەوتن بەدەست بهێنین و خاکەکەمان لە پیسی داگیرکەر ڕزگار بکەین.

ئەنجومەنەکە، داواش لە کۆمەڵگەی نێودەوڵەتی دەکەن دەستبەجێ دەستوەردان بکەن بۆ ڕاگرتنی هێرشە بەردەوامەکانی دەوڵەتی تورکیا بۆ سەر منبج و پاراستنی خەڵکی سڤیل لەو تاوانە جەنگییانەی کە ئەنجامی دەدات.