قەرەداغ

شارۆچکەی قەرەداغ دەکەوێتە باشووری شاری سلێمانی بە دووری زیاتر لە 40 کیلۆمەتر.

بەپێی سەرچاوە مێژووییەکان لە ڕابردوودا ناوی (زەردیاوا) بووە پاش داگیرکردنی کوردستان لەلایەن عوسمانیەکانەوە ناوەکەی گۆڕدراوە بۆ قەرەداغ.

قەرەداغ لە باکوور ھاوسنوورە لەگەڵ گوندی باخان، قەرەداغ و لە باشوور لەگەڵ گوندی گۆشان و لە ڕۆژھەڵات لەگەڵ گوندی زەید عومەری خواروو و لە ڕۆژاوا لەگەڵ گوندی تافان.

لەناوچەی قەرەداغ، چەندین ناوچەی گەشتیاری و سەیرانگا هەیە کە لە دیارترینیان (داری زەرد، تافان، جافەران).

قەرەداغ چەندین شوێنەواری دێرین هەیە لەوانە نەخشەی پادشای لۆلۆ کە پێشتر بە (نەرامسین) ناودەبرا، قەڵای باوەگردێ و زنجیرەیەک کونە جوڵا کە شوێنی پەرستن و گۆڕی بەردینن.