ماجید شالیار
ناوم ماجد شالیارە، لە ساڵ 1965 لە شار خانەقین پەیا بویمە، و خوەنستن ئامادەیی هەر لەی شارە تەواوکردمە و لە ساڵ 1990 کۆلیج هونەرەیل جوان لە بەغدا تەواوکردمە.
چوار پێشانگا یا مەعرەز تایبەت دیرم، یەکم لە ساڵ 2001 لە بەغدا و دویم لە ساڵ 2002 لە بەغدا لە هۆڵ دجلە و سێیم لە ساڵ 2005 لە توونس لە دار الجلد، چوارمیش لە ساڵ 2006 لە ئوردن لە هۆڵ ئۆرفەلی، بیجگە دەیان پیشانگای هاوبەش لە ناو و لە دەیشت عیراق...
ئەندامم لە سەندیکای هونەرمەندەیل عیراق، و کوومەڵەی ڕووشنهویری کوردی، و کوومەڵەی فۆتۆگرافەیل عیراقی، ئیسەیش وەردەوامم لە کار هونەرییم. مامۆستام لە پەیمانگای هونەرەیل جوان لە شار خانەقین، وەک یاریدەدەر بەڕێوەبەر ئەرا کاروبار هونەری، و سەرپەرشتی کەمە بان سەنتەر ڕووشنهویری خانەقین ک هۆڵیگ شانۆیی یا مەسرەحی و هۆڵیگ شیوەکاری و کتابخانەیگ گەورا هاتی و دەیان چالاکی لەتی ئەنجامدریاس ئەرا هونەمەندەیل ناودار جوور هونەمەند جەعفەر کاکەیی و ڕەمزی قوتبەدین، بیجگە هونەرمەندەیل ناو شار خانەقین وەک مامۆستا صەباح محێدین و هونەرمەندەیلیگتر و پێشانگایگ هەمیشەیی هاتی ئەرا هونەرمەندەیل خانەقین لە نەوەیل کۆن و نەوەیل نوو وەگشتی...دەیان خەڵات و ڕیزگرتن وەرگرتمە.
