22-10-2024
- 01
كه‌شناسی هه‌رێم: ئه‌گه‌ری به‌فربارین له‌ناوچه شاخاویه‌كان هه‌یه
بەڕێوەبەرایەتی گشتی کەشناسی و بومەلەرزەزانی هەرێمی کوردستان رایگه‌یاند، شەوی 22-10-2024 ئه‌گه‌ری به‌فربارین له‌ناوچه شاخاویه سنوریه‌كان و نمه باران هه‌یه و پله‌كانی گه‌رماش به‌رده‌وام ده‌بن له نزمبونه‌وه.
به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم له‌ڕاگه‌یه‌ندراوێكدا بڵاویكرده‌وه، ئه‌مڕۆ سێشه‌ممه ئاسمان به‌گشتی نیمچه هه‌ور ده‌بێت، له‌شه‌ودا له لوتكه‌ی ناوچه شاخاوییه سنورییه‌كان ئه‌گه‌ری كه‌مێك به‌فربارین هه‌یه، له‌هه‌ندێك ناوچه سنورییه‌كانیش نمه باران ده‌بێت، كاریگه‌ری ئه‌م كه‌شه له‌سه‌ر ناوچه سنورییه‌كان تا به‌ره‌به‌یانی رۆژی چوارشه‌ممه به‌شێوه‌ی نمه باران و به‌فر له‌كاتی جیاجیا به‌رده‌وامی ده‌بێت.
اماژه‌ی به‌وه‌شكردوه، سبه‌ی ڕۆژی چوارشه‌ممه 22-10-2024 ئاسمان نیمچه هه‌ور و په‌ڵه هه‌ور ده‌بێت، له‌گه‌ڵ كه‌مێك زیادبونی خێرایی با به‌تایبه‌ت له‌سنوری باشوری هه‌رێم، پله‌كانی گه‌رما كه‌مێك نزم ده‌بنه‌وه به‌راورد به‌تۆماركراوه‌كانی ئه‌مڕۆ.
به‌رزترین پله‌كانی گه‌رمای پێشبینیكراو به پله‌ی سیلیزی :
- هه‌ولێر : 22 پله‌ی سیلیزی
- سلێمانی : 21 پله‌ی سیلیزی
- دهۆک : 21 پله‌ی سیلیزی
- کەرکووک : 25 پله‌ی سیلیزی
- هه‌ڵه‌بجه : 22 پله‌ی سیلیزی
- زاخۆ : 23 پله‌ی سیلیزی
- حاجی ئۆمه‌ران : 11 پله‌ی سیلیزی
- سۆران : 18 پله‌ی سیلیزی
- گه‌رمیان/ کەلار : 24 پله‌ی سیلیزی.[١]
- 02
لە رووداوێکی هاتوچۆدا لەسەر رێگای دەربەندیخان پێنج کەس بریندار بوون.
ئەمڕۆ سێشەممە 22ی 10ی 2024، لەسەر ڕێگای دەربەندیخان ڕوداوێکی هاتووچۆ ڕوویداو پێنج کەس بوونە قوربانی، لەڕووداوەکەدا ئۆتۆمبێلێک کۆنتڕۆڵی لەدەستداوە و خۆی کێشاوە بە راگرەکانی قەراغی شەقامەکەدا، دواتر یەکێک لە راگرەکان چووە بەناو ئۆتۆمبێلەکەدا.
- 03
کونسوڵگەریی بەریتانیا: ڕێژەی بەرزی بەشداریکردنی هاووڵاتییان لە هەڵبژاردن پەیامێکی بەهێزە
کونسوڵگەریی گشتیی بەریتانیا ڕایدەگەیێنێت: پێشوازیی لە هەڵبژاردنەکەی هەرێمی کوردستان دەکەین، ڕێژەی بەرزی بەشداریکردن هاووڵاتییان پەیامێکی بەهێزە بۆ پشتیووانی لە نوێبوونەوەی ڕەوایی دیموکراسی، چاوەڕوانی دووبارە دەست بەکاربوونەوەی پەرلەمان و پێکهێنانی حکومەتی هەرێمی کوردستان دەکەین لە زووترین کاتدا.
باکگراوند: دوو ملیۆن و 87 هەزار و 972 کەس بەشدارییان لە دەنگدان دا کردووە، لەو ژمارەیە ملیۆنێک و 838 هەزار و 819 دەنگی دروست دراون.[٢]
