عەلی زەندی

محەمەد عەلی زەندی، یەکێکە لە هونەرمەندە دیارەکانی رۆژهەڵاتی کوردستان، ساڵی 1956، لە شاری سنە لەدایکبووە، لە ئاستی هونەردا فرەبەهرەمەند بووە، خاوەن دەنگێکی خۆش و ژەنیارێکی باش بووە، لە هەڵبژاردنی ئاواز و شێوازی تایبەتییدا، جێدەستی دیار و سازە، هاوڕێی هونەرمەندانی کوردستان بووە، لە دیارترینیان ناسر ڕەزازی، نەجمەدینی غوڵامی و هونەرمەندی میللی ئیسماعیل سەردەشتی.

عەلی زەندی، زیاتر لە 20 ساڵ کاری لەسەر موزیک، ئاواز و گوتنەوەی گۆرانی کردووە، لەسەر دەستی حەسەن کامکار، فێری خوێندنەوە و نووسینی موزیک بووە.

• لە دیارترین بەرهەمەکانی عەلی زەندی: مامە کوڕنوو، ئەم شارە جێدێڵم، وە باوە یاڵ دیم، لێمگەڕێ، دڵ.
• لەماوەی مانەوەی لە وڵاتانی رۆژئاوادا، بەشداریی بەردەوامی هەبووە لە فێستیڤاڵە هونەرییەکاندا.

هونەرمەندی گەورەی رۆژهەڵاتی کوردستان لە ڕیکەوتی 05-04-2024 عەلی زەندی بە نەخۆشی شێرپەنجە لە نەخۆشخانەیەکى کەنەدا و لە تەمەنی 68 ساڵی کۆچی دوایی کرد.

بەرھەمەکان

• ئەرمەنی
• خاڵۆ ڕێبوار
• باوەیاڵ
• زارا و ڕێحان
• بە جێت دیلم
• بۆ تۆ
• زارا گیان
• مامە کڕنوو
• دەردی ھیجران
• گوڵی زەرد و سوور
• بەھار ھاتەوە