بەیان مەحموود عەلی (بەیان بۆمبا)

بەیان مەحمود عەلی ناسراو بە (بەیان بۆمبا) ئەکتەر و شانۆکار، ساڵی ١٩٦٥ لە گەڕەکی کانێسکانی شاری سلێمانی لە دایک بووە، بەشی شانۆی پەیمانگای هونەرە جوانەکانی سلێمانی تەواوکردووە، لە ئێستاشدا سەرپەرشتیاری هونەرییە لە چالاکیی خوێندنگاکانی سلێمانی.

سەرەتای کارە هونەرییەکانی بەیان بۆمبا دەگەڕێتەوە بۆ ساڵی ١٩٧٤، کە لە پۆلی سێیەمی سەرەتایی بەشداریی چالاکییەکانی خوێندنگاکەیانی کردووە و نواندنی کردووە، ئیدی لەگەڵ هونەردا گەورە دەبێت و دواتریش بەشێوەی ئەکادیمیی لە پەیمانگای هونەرە جوانەکان شانۆ دەخوێنێت و بەشداریی دەیان شانۆ، دراما و فیلم دەکات.

ئەو هونەرمەندە بە گشتیی لە ٨٥ کاری شانۆ، دراما و فیلم-دا بەشداریی کردووە بە نمونە، شانۆکانی (گەڕان بە دوای دەستگیرانداریی، مێوژی بەرخۆر، هێشتا قسەکانمان تەواو نەکردووە، میراتیی، موختار و ژنانی گەڕەک، بەنی عێز، قەرەج...هتد) هەروەها ( گەردەلوول، ڕۆژمێری شارێک، سایە ،سەراب، پرفیشاڵ، پەتریپۆت، سەمەرە) چەند نمونەیەکی ئەو درامایانەن، کە بەیان بەشداریی تێدا کردووە، لە کورتە فلیمی ( دنیا و دەلاک)، هەروەها فیلمی درێژی ( کێوی دڵ ، دلی سوور)-یشدا بەشداریی کردووە.

لە ئێستا دا دانیشتووی شاری سلێمانییە.

ئامادەکردنی: دلێر ڕەفیق