ئایەت ئەحمەد نەژاد

لە شاری روانسەر سەر بە پارێزگای کرماشان لە کوردستانی رۆژهەڵات لەدایکبووە.

لە ئێستادا لە وڵاتی دانیمارک ژیان بە سەردەبات.

لە منداڵیەوە خولیای هونەر و گۆرانی هەبووە و لە بنەماڵەیەکی هونەرمەند و هونەری چاوی بە دونیا هەڵهێناوە.

لە ساڵی 1998 دەستی بەگۆرانی گووتن کردووە.

کاتێک دەستیبە گۆرانی گووتن کرد سەردەمی سیدی نەبوو، بە شریت یان نەوار گۆرانیەکانی تۆمار دەکرد.

21 گۆرانی هەیە و کاتێک ستودیو هاتۆتە بازارەکانی کرماشان توانیوێتی 4 ئەڵبووم بەتۆمار بکات.

کۆتا ئەلبوومی بەناوی (پەریشان)ەوە بووە لە 2009 کەوتە بەردەستی گوێگران.

ئایەت ئەحمەد نەژدا ئەتوانیت چەند زاراوەیەکی کوردی گۆرانی بڵێت، وەک سۆرانی و هەورامی و لوڕی و کەڵهوڕی.