ئەنوەر قادر ڕەشید

● لە سەرەتای ساڵی حەفتای سەدەی رابوردوەوە وەک ئەکتەر لە کۆمەڵی هونەرو وێژەی کوردی مەڵبەندی سەرەکی سلێمانی کاری کردوە و پاشان لە بەغدا لەگەڵ لقی هەمان کۆمەڵ لە نمایشدا بەشداری کردووە.

● لە ناوەڕاستی حەفتاکانی هەمان سەدە کەوتوەتە نووسینی رەخنەی شانۆیی و توێژینەوە و وتار و دەق لە هەمان بواردا و لە ساڵی ١٩٧٧ بووەتە ئەندامی یەکێتی نووسەرانی کورد.

● لە ساڵی (1986) ەوە بەهۆی باری نالەباری سیاسی عێراقەوە کوردستانی بەجێهێشتوە و رووی لە هەندەران کردووە.

● ساڵی 2006 گەڕاوەتەوە کوردستان و لە گۆڤاری شانۆدا وەک بەڕێوەبەری نووسینی بەشی کوردی کاری کردوە تا 2011 کە بەهۆی بڕینی یارمەتی داراییەوە داخرا.

● خاوەنی سێ کتێبی تایبەتە بە ناوەکانی:

1- دوو شانۆنامە (بەرەوخۆر و گۆمی مەنگ)

2- کەڵەگاکان (شانۆنامە)

3- پۆست مۆدێرنەو چەند بابەتێکی شانۆیی (بریتیە لە رەخنە و توێژینەوە و وەرگێڕان لە زمانی ئەڵمانیەوە)

● دوو کتێبی هاوبەش:

ساڵی 1976 لە بڵاوکراوەکانی کۆمەڵی هونەر و وێژەی کوردی مەڵبەندی سەرەکی سلێمانی

ساڵی 2011 کتێبی پێنج دەقی شانۆگەری کوردی لە بڵاوکراوەکانی فێستیڤاڵی سلێمانی بۆ شانۆی کوردستان

● نووسینی دە ئەڵقەی زنجیرە تەلفزیۆنی (مناڵەکانمان) کە لە دەرهێنانی هونەرمەند (ئەرسەلان دەروێش) بوو لەهەمان کاتدا لە هەموو کەناڵەکانی کوردستانەوە پەخش دەکرا.

● نووسینی پێنج ئەڵقە لە زنجیرە درامای (تەنز) لە دەرهێنانی هونەرمەند (هاوڕێ مستەفا)

● لە ساڵی 2012 گەڕاوەتەوە ئەڵمانیا و ئێستا نیشتەجێی ئەو وڵاتەیە