جیاوازیی نێوان پێداچوونەوەکانی «ڕەشکەی بیرەوەریەکان-بەشی شەشەم»

نووسینی: '''[[عوسمانی ئەحمەدی]]'''

بڕێ کارەساتم بۆ گێڕانەوە کە یەکەم ساڵی مامۆستاییم بوو لە دزڵی. بۆ ساڵی دوایی حەمە خانی کانی سانان کە منی ناسی بوو خۆی هات بە شوێنما کە بچم ببم بە مودیری مەدرەسەی کانی سانان.

حەمەخان پیاوێکی ژیر و تێگەییشتوو و خوێنەوار بوو. لە پێشا لە بەسەرهاتی ئاگام نەبوو بەڵام لە زەینم دا هەر سێ و دووم ئەکرد چۆن بووە حەمەخان لە نێو خان و بەگزادەکانی ئەم ناوچەیەدا جیاوازی هەیە.

شەوی هەوەڵ و دووهەم میوانی بووم لە دیواخان، تا کەل و پەلەکەم هێنا و ژوورەکەم ئامادە کرد. بیست سی قوتابی‌یەکیشی لەگەڵ کوڕ و کچەکەی خۆیدا ناردبووە بەر خوێندن.

تماشام کرد نۆکەرەکەی ئەسپێکی ڕەشی بۆ هێنام وەکوو شەوە ئەدرۆشایەوە.  

ڕەزاشاش ئیتر بەناوی بارمتە بووە یا بە بۆنەی دۆسایەتی، داوای کردووە حەمەی کوڕی، کە ئەو دەم مناڵ بووە وە هاو تەمەنی حەمە ڕەزای کوڕی ڕەزاشا بووە بنێرێتە تاران دەرس بخوێنێ. ئەویش حەمەی کوڕی ناردووەتە تاران لە یەک قوتابخانە لەگەڵ حەمە ڕەزا دەرسیان خوێندووە.

کاتێ کە ئاگاییم پەیدا کرد لەم کارەساتە ئیتر خۆشم نەهات لە کانی سانان بمێنم، چوم داوام کرد بمگۆزنەوە باشماخ و چووم بووم بو مودیری قوتابخانەی باشماخ.