جیاوازیی نێوان پێداچوونەوەکانی «ڕەئووف حەسەن»

سه‌راپا ژیانی  دژواریی و قورس  بوو ، ته‌نانه‌ت له‌ خانه‌نشینش دا بێ ویژدانی له‌ گه‌ڵ کراوغه‌دری لێکرا ، خانه‌نشینیه‌که‌ی ئه‌وه‌نده‌ نه‌بوو ، بژێوی ژیانی خۆی و خانه‌واده‌که‌ی  دابین بکات ،ئه‌مه‌ش شه‌رمه‌زاری یه‌ بۆ ئه‌م ده‌سه‌ڵات دارانه‌ی هه‌رێم ،ئه‌و نووسه‌ره‌ مه‌زنه‌ له‌ جیاتی  ئه‌وه‌ی ده‌سته‌کانی قه‌ڵه‌م بگرێت ،  سوکانی ته‌کسی  گرت ،به‌ دوای  بژێوی ژیانی خۆی و خانه‌واده‌که‌ی دا دا عه‌وداڵ بوو ، له‌ بری ئه‌وه‌ی سه‌قاڵی پرۆژه‌ی نوسینه‌ ده‌گمه‌نه‌کانی بێت . شه‌قام و کۆڵانی گه‌ره‌که‌کانی شاری به‌ ته‌کسیه‌که‌ی ته‌ی ده‌کرد .

له دیدارێک دا چه‌ند پرسیارێکم روو به‌ روو کرده‌وه‌ ، له‌ وه‌ڵامه‌کانی دا مامۆستا ره‌ئوف حه‌سه‌ن  ئه‌و 15 دیمه‌نه‌م  بۆ  به‌رگی سێیه‌می ره‌شه‌بای ژه‌هرو ئه‌نفال تۆمار کرد  ، له‌دوا دیمه‌ن دا ،مامۆستا ره‌ئوف حه‌سه‌ن له‌ وه‌ڵامی دوا پرسیارم دا  ئاماژه‌‌ی به‌وه‌کرد:

هەندێک که‌س لەو بڕوایەدان نوسینەوەى ئەم بەسەرهاتانە بۆ مێژو پێویستە، به‌ڵام  من وه‌ک ( ره‌ئوف) * هەگیز باوەڕم بەوە نەبووە و نییە،ئێمەى خەڵکى وڵات و ناوچە عه‌رەبى و ئیسلامیه‌کان ، تێکڕا لە دەرڤەى مێژودا دەژین ،  ئەم جۆرە بیرەوەرى و ڕووداوانە لە سەرگوزوشتە و گورگانەشەوێ  زیاتر هیچی دى نین.میسریه‌کان پێ یان دەڵێن (حەددوتە).