تیپی تۆپی پێی قوتابخانەی کوردی
مێژووی وێنەکە دەگەڕێتەوە بۆ 50ساڵ پێش ئێستا بەدیاریکراوی ساڵی 1971تیپی تۆپی پێی قوتابخانەی کوردی یە ،لەخۆئامادەکردندبوون بۆ چالاکی قوتابخانەکانی ناو شاری سلێمانی ، وێنەکە و زانیارییەکان لە یەکێک لە یاریزانەکانمان وەرگرتووە کاک کمال شەریف گورون ، پیاوێکی تێکۆشەر و خەمخۆری ئەم نیشتمانەیە.
لەلای ڕاستی وێنەکەوە ناوەکان دەنوسین ،مامۆستا ئەنوەری وەرزش ، کاک ابراهیم قادر ناسراو بەبرایمی حەبێ ، کاک ابراهیم عبدالقادر، کاک نگین ، کاک کمال ڕشیددارتاش ناسراو بەکەمالەسوور ، کاک هیوای حاجی عبداللە ، کاک کریم قادر ناسراو بەکەریمەڕیشە ، کاک کمال شەریف گورون ، مامۆستا عبداللە میدیا.
ڕیزی بەردەم
هەردووەم کەس ناسراوەتەوە کاک یاسین عومەر ، لەبەردەم خەستەخانەکەی خەبات ملازم محسن شەهیدی کردووە ،ڕۆژانە هەڵوەدای وێنەو زانیارییەکانین کۆن بێ یان تازە کێشەمان نیە ، بەڵکو بتوانین خزمەتێک بەسنورەکەمان بەتایبەتی و شاری سلێمانی بکەین ،وێنەکان بۆن و بەرامی ڕابردوومان پێدەبەخشێ و لەو چێژە بێبەشتان ناکەین و دەینوسینەوە و دەیگێڕینەوە ، گرنگی بەیادگاری و یادەوەرییەکان دەدەین لەگەڵ گرنگی دانمان بە ئەمڕۆ .
چونکە ئەمڕۆش دەبێ بەمێژوو ئەوەی بەئێمەبکرێ تەقسیرناکەین و ئێوەش هاوکارمان بن ، ئێمە پشوومان درێژە و بەڵێنمان داوەلەژێر باری بەڵێنی خۆمان دەرنەچین ، خوای گەورە لەکۆچکردوانی ئەم وێنەیە خۆش بێت و ساغەکانیش سەلامەت بن بەتەندرستیەکی باشەوە ، سوپاس بۆ کاک کەمال شەریف کەئامادەیی تەواوی هاوکاری تێدایە جێگای ڕێزمانە
ئامادەكار: م ئومێد