حسێن حوزنی موکریانی
ێژوونووس و رۆژنامەگەریی لێهاتووی کورد ناوی تەواوی سەید حوسێنی کوڕی سەید عەبدوللەتیفی کوڕی شێخ ئیسماعیلەو لەساڵی 1893دا لەشاری مەهاباد چاوی ژیانی هەڵهێناوەو هەر
لەمنداڵییەوەنیشانەی بەهرەو بلیمەتی لێ بەدی کراوەو سەودای کورد پەروەریی بووه.
لەتەمەنی 12 ساڵیدا کەس و کاری خۆی و مەهابادی بەجێهێشتووەڕووی کردۆتەمەراغەو تەورێز و یەریڤان و 12 ساڵیش بەبەرگی ئەفغانی هەموو کوردستان و هەندەران گەڕاوەبۆ کۆکردنەوەی مێژووی کورد و تۆمارکردنی و یەکەمین کەس بووەبایەخی تایبەتی دابێ بەنووسینی مێژووی کورد بەزمانی کوردی.
حوزنی لەهەموو چەشنەزانیارییەک دەداو، لەمێژوو، وێژه، رۆژنامەگەریی، مۆرهەڵکەنی، وێنەگری و خۆشنووسی و کڵێشەی وێنەهەڵکەندن لەدار.
بۆیەدەبینین گەلێک بەرهەمی وێژەی و مێژوویی داناوەو چاپی کردوون و تا خۆی لەژیاندا بووەلەنێوانی 1925 تاکو 1947 هەژدە پەرتووکی بەنرخی چاپکردووەکەزۆربەیان لەسەر مێژووی کورد و کوردستان و بایەخی زانیاری خۆیان هەیه.
لەناو کورد دا یەکەمین کەس بووەچاپخانەی بۆ بەرژەوەندی زمان و مێژووی و وێژەی کوردی دامەزراندووەو لەساڵی 1915دا لەشاری حەڵەبی داناوەو لەدوایی دا لەساڵی 1925دا گواستوویەتییەو بۆ کوردستانی باشوور و لەشاری رەواندزی داناوەو لەساڵانی 1926-1932دا گۆڤاری زاری کرمانجی پێ چاپکردووەو لەو ماوەیەدا 24 ژمارەی پتەوی لێ بڵاوکردۆتەوەو لەساڵانی 1935 و 1936شدا لەشاری هەولێر لەگەڵ پارێزەر شێخ مستەفا گۆڤاری رووناکی دەرچوواندووەو لەساڵانی 1943-1947یشدا گۆڤارو رۆژنامەی (دەنگی گێتی تازە)ی بەهاوکاریکردنی لەگەڵ مامۆستایان تۆفیق وەهبی و حەسەنی شێخ حەمەمارف لەشاری بەغدای پایتەختی ئێراق دەرچوواندووەو گەلێک و تاری مێژووی و کۆمەڵایەتی و دەقی وێژەی فولکلۆری کوردی لەو گۆڤار و رۆژنامەیەدا بڵاوکردۆتەوەو دوای گەیاندنی خزمەتێکی زۆری زمان و کلتوور و مێژووی کورد و رۆژنامەگەریی لەڕۆژی 20ی ئەیلوولی ساڵی 1947دا لەبەغدا کۆچی دوایی کردووەو تەرمەکەی هاتۆتەوەشاری هەولێر و لەگۆڕستانی ئیمان محەمەد بەڕێزێکی زۆرەوەنێژراوه. هەندێک لەو پەرتوکانەی کەحوزنی لەسەر مێژووی کوردی نوسیونی ئەمانەن:
- - مێرگەیدڵان
- - خونچەی بەهارستان
- - پێشکەوتن
- - ئاوڕێکی پاشەوه
- - میرانی سۆران
- - کوردستانی موکوریان
- - بەکورتی هەڵکەوتی دێریکی
- - لاپەڕەیەک لەدێریکی کوردستانی موکوری
- - ناودارانی کورد
حوزنی گەلێک روپەڕی گۆڤار و رۆژنامەو بەگەلێک نامێلکەی هێژا خزمەتی زۆری وێژەو مێژووی کورد کردوه.