سەفین مەلا قەرە

سەفینی مەلا قەرە، جێگری فەرماندەی تیپی (86) ی دەشتی هەولێر بووە لە ساڵی 1959 لەگوندی مەلاقەرە، ناحیەی دیبەگە لەدایکبووە، ئامادەیی کشتوکاڵی لە هەولێر تەواو کردووە.

لە ساڵی 1976 وە پەیوەندی بەرێکخستنەکانی کۆمەڵەی رەنجدەرانی کوردستانەوە کردووە.

لە ساڵی 1980ەوە پێشمەرگەیە. یەکێکێک بووە لەفەرماندە دیارەکانی یەکێتی و لەراپەریندا رۆڵی کارای گێراوە.

لە یەکەم هەڵبژاردن لە ساڵی 1992 بووەتە ئەندامی پەڕڵەمانی کوردستان و لە دووەم کۆنگرەی یەکێتییەوە لە ساڵی 2000ەوە ئەندامی سەرکردایەتی یەکێتی نیشتمانی کوردستانە و پاشان بووەتە جێگری بەرپرسی مەکتەبی رێکخستنی یەکێتی.

ساڵی 2009 چووەتە ناو لیستی گۆڕانەوە و سکرتێری کاروباری فراکسیۆنەکانی بزوتنەوەی گۆڕان بووە لە رێکەوتی 13-10-2021 دەست لەکارکێشانەوەی خۆیی راگەیاند.