شێخ عەبدولکەریمی شەدەڵە

شێخ عەبدولکەریمی شەدەڵە داهێنەری رێبازی هەقەییە.

شێخ عەبدولکەریمی شەدەڵە کوڕی حاجی شێخ مستەفای کوری حاجی شێخ رەزای عەسکەرە لە ساڵی 1872 دا هاتووەتە دنیاوە.

پیاوێکی گەنم رەنگی نیمچە باڵای دەموچاو پان بووە.

زانا و خوێندەوار و تێگەیشتوو و مەلاچاک بووە، خوێندنی مەلایەتیی لەلای مەلا گەورەکانی ئەو سەردەمەی ناوچەی سلێمانی و دەوروبەری بووە و لای مەلا عەبدوڵڵای جەلیی کۆیە ئیجازەی وەرگرتووە.

زمانی عەرەبی و فارسی و تورکیی بە باشی بە نووسینی و بە خوێندنەوە زانیوە.

دایکی ناوی ئامینەخان کچی شێخ عەبدولسەمەدی قازییە دایکی ئەم زاتە دووجار چووە بۆ حاج جاری یەکەم ساڵی 1922 جاری دووەم ساڵی 1931 لە ساڵی 1942 لە شەدەڵە کۆچی دواییی کردووە و هەر لەوێ بە خاک سپێردراوە.

شایانی باسکردنە!

کۆچی دواییی شێخ عەبدولکەریم بەوە بووە شەوێکیان پاش نوێژی خەوتنان لە مزگەوتەوە دەگەڕێتەوە بۆ ماڵێ لە داڵانی دەرگەی حەوشی ماڵەکەیدا بەردێکی تێ دەگرن دەدا لەقاچی، ئێسکی دەشکێنی و هەر بەوە پاش چل (40) شەو کۆچی دوایی دەکات.