عەبدولڕەحمان زەبیحی

عەبدولڕەحمان زەبیحی یەكێك لە گرینگترین زمانناسەكانی كوردە كە شارەزایییەكی تایبەتی بەسەر زمانی كوردی و شێوەزارەكانیدا هەبووە و چەندین وتاری زانستیی لەسەر زمانی كوردی لە گۆڤار و ڕۆژنامەكانی ئەو سەردەمدا چاپ و بڵاو بووەتەوە كە بوونەتە سەرچاوە بۆ لێكۆڵینەوەی زمانی كوردی.

عەبدولڕەحمان زەبیحی کەسایەتییەکی چالاکی سەدەی بیستەمی زایینییە که لە ساڵی ١٩٢٠ی زایینی(١٢٩٩ی هەتاوی) لە شاری مەهاباد لەدایک بووە. زەبیحی کاریگەرییەکی زۆری لەسەر ڕۆژنامەگەری کوردی هەبووە. وەک گۆڤاری نیشتمانی لە مەهاباد ، گۆڤار و ڕۆژنامەکانی وەک: هاوکاری، ڕۆشنبیری نوێ، چریکەی کوردستان، خەبات، ڕزگاری، پێشرەو و باهوز (بە زمانی عەڕەبی) نووسینی هەبووە.

عەبدولڕەحمان زەبیحی نووسەر و کەسایەتییەکی سیاسیی کورد و، کە لە دامەزرێنەرانی کۆمەڵەی ژیانەوەی کوردستان. لە ١٩٢٠ لە مەھاباد لەدایک بووە و خوێندنی سەرەتایی لە مەھاباد و پاشان تاقیکردنەوەی سێی ناوەندی لە ١٩٣٧دا لە ورمێ تەواو کردووە. پاش ئەمە ھێندێک لە گوڵستانی سەعدی و دەرسی جەبری لای مەلا قادر مودەڕیسی خوێندووە. زەبیحی لە دامەزرێنەرانی کۆمەڵەی ژیانەوەی کوردستان لە ساڵی ١٩٤٢ بووە و دواتر بەشداری لە کارەکانی کۆماری کوردستان کردووە. دوای ڕوخانی کۆمار، ئاوارەی عێراق و سووریا بووە. دواجار کە گەڕاوەتەوە عێراق لە سەرەتاکانی ١٩٨٠ بێسەروشوێن کراوە.

سەرچاوەکان

ڕۆژنامەنووسیی کوردی سەردەمی کۆماری دێمۆکراتی کوردستان ١٩٤٢–١٩٤٧، ھیمدادی حوسێن، سلێمانی، دەزگای سەردەم، ٢٠٠٢

ژیان و بەسەرھاتی عەبدولڕەحمان زەبیحی، عەلی کەریمی، سوید ١٩٩٩