لوقمان ئیسماعیل (شیار عەفرین)

ناسناو: شیار عەفرین

ناو و پاشناو: لوقمان ئیسماعیل

شوێنی لە دایکبوون: عەفرین

ناوی دایک و باوک: ئەمینە – محەمەد

کات و شوێنی شەهیدبوون: تەمووزی ٢٠٢٤/هەرێمەکانی پاراستنی مەدیا.

ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، لە ڕاگەیاندراوێکدا شەهیدبوونی فەرماندەی خەباتکاری پەکەکە “شیار عەفرین”ـی ڕاگەیاند.

لە ڕاگەیاندراوەکەی هەپەگەدا هاتووە، یەكێک لە جەنگاوەرە پێشینەکانی پەکەکەمان، فەرماندەی خەباتکارمان هاورێ “شیار عەفرین” لە مانگی تەممووزی ٢٠٢٤، لە هەرێمەکانی پاراستنی مەدیا لە دەرنجامی هێرشی دووژمندا شەهید بوو.

لە بەردەوامی ڕاگەیاندراوەکەدا هەپەگە ئاماژەی بەوەداوە، هاڕێمان شیار پەروەردە سەرەتایەکانی خۆی لە ڕێبەر ئاپۆوە وەرگرت و هەنگاوی شۆڕشگێڕی خۆی دەستپێکرد. لە چیاکانی زاگرۆسەوە تا چیاکانی بۆتان و لە چەندین هەرێم و ئەیالەتی کوردستاندا گەریلایەتی کرد. بە ئەزموونی ساڵانی تێکۆشانییەوە، لە فەرماندارییدا قوڵبوویەوە و بەرپرسارێتی لەئەستۆگرت. خاکەڕای و میلیتانێتی ئاپۆی لە کەسێتی خۆیدا پێکهێنا و جێگەی خۆی لە دڵی هاوڕێکانیدا کردەوە.

ئەوەشی خستووەتەڕوو، ڕێپێوانی ٣٠ ساڵەی فەرمانداری فیدای هاوڕێ شیار هەموو کاتێک لە لایەن گەنجانی ڕەسەنی کورد و هاوڕێکانییەوە بە نموونە وەردەگیرێت و بەدڵنیاییەوە هەنگاوی ئازادیی کوردستانمان دەگەیەنن بەسەرکەوتن، کە فەرماندە شیاریش بۆ ئەو هەنگاوە هەموو ژیان و گیانی خۆی فیداکرد.

لە کۆتاییشدا هەپەگە دەڵێت: لەسەر ئەو بنەمایە سەرەخۆشی خۆمان بۆ بنەماڵەی بەڕێزی هاوڕێ شیارمان، گەلی عەفرینی بەرخۆدێر و هەموو گەلی کوردستانی وڵاتپارێزمان دەردەبرێن.