نوری حەمەعەلی

نوری حەمە عەلی

فەرماندەی بەتالیۆنی چواری هێزی خەبات لە ۱۹٦۳دا دەست گیر دەکرێ ۲۳ ساڵ بو کاتێک دەگوێزرێیتەوە بۆ ئەمنی کەرکوک تالەسێدارەبدرێت لەدەست پۆلیسەکان ڕادەکات و لەدەستیان ڕزگاری دەبێت و بۆڕۆژی دواتر لەسلێمانێوە دەبرێتە گوندی دڕێ و چەکی شەرەف دەکاتە شانی و دەبێتە پێشمەرگە هەموو پلەکان تێدەپەڕێنێتو دەکرێتە فەرماندەی بەتالیۆنی چوار لەهێزی خەبات بەشداری زۆربەی شەڕەکانی ناوچەی سلێمانی کردووە .هەروەها بەشداری شەڕەکانی دەوربەری سەرکردایەتی کردووە لەساڵی ۱۹۷٤ لە چیای زۆزکو ناوچەی وڕەواندزوو گەروی عومەرئاغاو بێشێ و زۆر شوێنی تر بەرپرسی هێزەکانی خەبات بووە و ڕاستەو خۆ بەشداری لەو شەڕانە کردووە ؍ لەناو پێشمەرگەکاندا زۆر خۆشەویست بوو لەشەڕەکانی سەرکردایەتیدا پێش پێشمەرگەکان بەڕۆژێک لەئێرانەوە دەگەیشتە حاجی ئۆمەران و ئازدی تا لەوێ پێشوازیان لێبکاتو کەم کوڕێکانیان بۆدابین بکات ئێمە ئەو کات لە ئازادی لای حاجی ئۆمەران بووین لەخانووەکەی خوا لێخۆشبوو کاک عومەر شەمەیی لەگەڵ شەهید نوری هەموو پێکەوە بووین لەگەڵ بەشێک لەهێزەکە کە ئامرەکەی شەهید مولازم محمدی حاجی ئەحمەدی سەروپێبوو بۆڕۆژی دواتربەداخەوە شەهید بوو تەرمەکەشی کاک دارایارا هێنایەوە بۆ حاجی ئومەران

کاکە نوری حەمە علی خۆشەویستی هەموومان بوو پیاوێکی هێمن و لەسەر خۆبوو خۆشەویستی پێشمەرگە و خەمخۆریان بوو هەتابڵێی جەنگاوەرێکی ئازا بوو هەموو فەرماندەکان ڕێزیان زۆر لێدەگرت یارمەتی پێشمەرگەی زۆر ئەدا ماددی و مەعنەوی زیرەکانە پێشبینی باشی دەکرد بۆ پێشهاتەکان نموونەی هەرەس رۆژێکیان لەپێنجوێن پێ ووتم تۆبڵێی ئەم نەورۆزەی ۱۹۷۵ نەڕوینەوە؟ ووتم بو کوێ ؟ووتی بۆ شار ! ووتم لەبەر چی ؟ ووتی ئەترسم ئێران و عێراق ڕێکەوتن بکەن گۆێم لە ئەخبار بووە باسی پرۆتوکۆلاتی ۹۱۳ ٫ ۹۱٤ ی سەعد اباد کراوە سەبارەت بە شەت العرەب لەوانەیە زەرەری ئێمەی تێدابێت ! کاکە نوری پێشبینێکەی ڕاست دەرچوو هەرەس هاتوو لەشار یەکترمان بینێوە بەڵام ئەم جارە بەشێوەیەکیتر و بەبەردەوامی و هاوڕێیەکی گیانی بەگیانی زۆر جار دەچوینە نادی لەگەڵ کۆمەڵێک برادەر بەیانیانیش حەزی لەکانێسکان بوویان لە دوکانی ئازادی حاجی ساڵح لەسابونکەران دادەنیشتین لەکانێسکان سەردانی برادەرێکی دەکرد دوکانی هەبوو کاتی خۆی سەرلق بوو لە بەتالیۆنی چوار بەداخەوە ناوەکەییم لەیاد نەماوە نزیکەی سەعاتێک دادەنیشتین

دەنگوباسی هەڵگیرسانی شۆڕش بڵاو بۆوە کاکە نوری نامەی بۆهات کەپەیوەندی بکات بەشۆڕشەوە بە(من) و کاک( م )ی ووت ئێوە دێن بێ یەکو دوو ووتمان بەڵێ ! ئەو نەمرە کاژیک بوو کە فەرماندەی بەتالیونیش بوو هەر کاژیک بوو سەرلق و سەرپەلەکانی بەتالیونی چوار زووربەیان لە ڕێکخستنەکانی کاژیک کاریان دەکرد پێش شەهیدبوونی کاک نوری شەهیدان ئەنوەری (مەجید سوڵتان) و کاک (مولازم کەریم) و کاکە مولازم مەنسور کەریم هەرسێکیان پێکەوە لەیەک رۆژوو کاتدا پەیوەندیان بەشۆڕشەوەکرد ئەگەر هەڵە نەبم ئەو بابەتە بەجێدێڵم بۆ کاکە مولازم مەنسور دوانیان بۆ لای پاسۆک کاکە ئەنوەریش بۆلای بزووتنەوەی سۆسیالیست لەگەڵ شەهید مولازم تایەری عەلی والی بەگ

لەسەرەتاوە ووتمان پێش شەهیدبوونی کاکە نوری وەکو وەفایەک بۆکاژیک پرسو ڕایەکی چەند هاوبیرێک بکەین ئێوارەیەکی هاوینی مانگی ۷ی ۱۹۸۱ بەتەلەفۆنی ئەرزی تەلەفۆنمانکردبۆ کاک (فایەق عارف ) کەلە حەوتەوانەکەی کاژیک بوو ماڵی کاک فایەق لە گردەکەی عەلی ناجی بوو تاسەردانی بکەین کاک (م) وشەهید نوری و بەندە گەیشتینە ماڵی کاک فایەق دکتۆر( عەلی تۆفیق)یش لەوێ بوو جەنابیشی لە ڕێکخستنەکانی کاژیک بوو لە باخچەکەیان دانیشتین و باسی زۆر شت کرا لەوانە دەست پێکردنەوەی شۆڕش بەداخەوە کاک فایەق ڕایەکی جیاوازی هەبوو ووتی جارێ کاتی نیە ! ئێمە سەرمان سووڕما ! بەهەر حاڵ بێ هیوایی دایگرتین کاکە نوری پێی خۆش بوو نەتەوەییەکان ئەم جارە ڕووبکەنە شاخ و بەشێک بن لەشۆڕشی نوێ شەهید نوری کەسایەتێکی گەورەوسەربازی بوو کاریگەری خۆی هەبوو لەناو خەڵکیدا ئەم کەڵە پیاوە زۆر کەم دوو بوو زۆر هێمن و لەسەر خۆبوو ڕووخۆش زۆر بەڕێزەوە گوێی بۆبەرامبەرەکەی دەگرت حەزی لە شیعرەکانی شێرکۆ بێکەس بوو زۆر جار لە پێنجوێن پێکەوە بوون من کاک شێرکۆم بەهۆی کاک نوری وە ناسی کاکە نوری زۆر حەزی بەگۆرانی دەروێش عەبدوڵا بوو هەمیشە لەناو سەیارەکەی من یان خۆی ئەو شریتەی لێدەدا ! عەسرێکی درەنگی ۲ی سێبتێمبەری ۱۹۸۱ دەستێکی غەدر گەیشتە ڕۆحی پاکی و شەهیدیکردلەو کاتەدا تەکەسیەک بەخێرایی و بەهۆرن لێدانەوە لەخوار ئۆرزدیەوە سەردەکەوت حەمەی سەبریم بینی جامەکەی کردەوە نەوروز ٫نەوروز نوری حەمە عەلی شەهیدکرا تومەس نوریش لەسەیارەکەدا بوو !! نەفرەت لەتیرۆرو تیرۆرستان تا گەیەندرایە خەستەخانە گیانی پاکی بەخشی بەکوردو بەکوردستان