گوشاد کەمال
هونەرمەندی گۆرانیبێژ ناوی تەواوی (گوشاد کەمال کەریم) لە ساڵی 1962 لە شاری کۆیە لەدایکبووە، قۆناغەکانی خوێندنی هەر لە کۆیە تەواو کردووە. سەرەتای ژیانی هونەریی دەگەرێتەوە بۆ ساڵی حەفتاکان کە ئەو کاتەی لە قوتابخانە بوو، دواتر لە ئاهەنگەکان و بۆنە نەتەوایی و نیشتیمانییەکان گۆرانی وتووە.
گوشاد کەمال، خاوەنی 10 بەرهەمی هونەرییە و جگە لە کاری هونەری بۆ ماوەی 10 ساڵیش پێشمەرگە بووە، بڕوانامەی ئەندازیاری کشتوکاڵی بەدەستهێناوە. گوشاد کەمال ئەندامی تیپی مۆزیکی باواجی کۆیە بووە، لەسەرەتاکانی ساڵانی 1970 هەر زوو بەدەنگە خۆشەکەی و گۆرانیە بەچێژەکانی وەکو هە لاو هە لاوە گوڵێ و گۆرانی پاوانەکانی و گۆرانی تەماشای خاڵی سەر ڕوومەتی کە، هەروەها گۆرانی بەخێر بێیتەوە.. چەندین گۆرانیشی لە ئێسگەی کوردی بەغدا تۆمار کردووە.
دوای ماوەیەک لە نەخۆش کەوتنی هونەرمەند گوشاد کەمال لە شاری کۆیە 07-01-2023 کۆچى دوایی کرد هەر لە کۆیەش بەخاک سپێردرا.
ئامادە کردنی: دلێر ڕەفیق