گۆڤاری نەهری

گۆڤاری نەهری - گۆڤارێکی وەرزیی ئەدەبی و پەروەردەیی منداڵانە، لەلایەن قوتابخانەی نەهری بنەڕەتی یەوە لە سلێمانی دەردەچێت، دامەزراوەی دەزگای خێرخوازی کەریمی عەلەکە سپۆنسەری چاپکردنی ئەم ژمارەیەیان کردووە.

بەڕێوەبەری قوتابخانە: ستار عەلی

سەرنووسەر: سەرهەنگ عەبدولڕەحمان

ژمارە 01ی گۆڤاری نەهری

لە دووتوێی (50) لاپەڕەی ڕەنگاوڕەنگدا، ژمارە (01) ی گۆڤاری نەهری چاپ و بڵاوکراوەتەوە.

لەناوەڕۆکی ژمارە 01 ی گۆڤارەکەدا چەندین بابەتی پەروەردەیی و منداڵان و هەمەڕەنگ بەرچاو دەکەون، وەک: شێخ عوبەیدوڵڵای نەهری، منداڵ و ترس لە قوتابخانە، فێرگە بۆچی گرنگە، ڕۆڵی قوتابخانەی بنەڕەتی لە پەروەردەکردنی منداڵان، گرنگی سروشت بۆ منداڵان، هەروەها کۆمەڵێک هۆنراوەو چیرۆکی منداڵان، وەک: ئاراو بوکەڵەکانی، سوور باشترینە، چنوری لاساییکەرەوە، ددان و نەخواردنی شیرینی، گەشتی پاراستنی ژینگە، پشیلە چکۆل. گۆڤاری نەهری گۆڤارێکی پەروەردەیی و منداڵانەی وەرزییە قوتابخانەی نەهریی بنەڕەتی لە سلێمانی دەریدەکات.