تەیموور خەلیل
تەمور خەلیل، لە دایکبووی ١٩٤٩، ڕۆژنامەنووس و نووسەر و وەرگێڕێکی هاوچەرخی ئێزدی-کوردە. ئەندامی ئینستیتیوتی کوردی پاریس و سەرنووسەری گۆڤاری کوردی ڕۆژی نوێ(Roja Nû )یەو لە وڵاتی سوید دەژی.
ناوبراو لە شاری یەریڤانی سەر بە کۆماری سۆسیالیستی سۆڤیەتی ئەرمەنستان (Armenian SSR) لەدایک بووە و دوای وەرگرتنی بڕوانامەی بەکالۆریۆس لە فیزیا و بیرکاری، بۆ ماوەی سێ ساڵ وەک مامۆستای بیرکاری لە گوندی کوردنشینی سیپان(Sipan) کاری کردووە.
لە ساڵی 1977 تا1992 وەک پەیامنێر و دواتر وەک بەرپرسی بەشی ڕۆشنبیری لە ڕۆژنامەی کوردی ڕیا تازە ( Rya Teze) کاری کردووە.
هەروەها لە ساڵی 1981 تا 1984 وەک سەرنووسەری بەشی کوردیی ڕادیۆی یەریڤان کاری کردووە.
لە ساڵی 1992 تا 1997 جێگری ڕۆژنامەی گۆلۆس کوردە (Golos Kurda) بووە کە تیشکی خستۆتە سەر پرسە کوردییەکان و بە زمانی ڕووسی دەردەچوو.
وەرگێڕانەکانی
- کورد تیرکیە دی دەما هێری نوێدا (کوردەکانی تورکیا لە سەردەمی مۆدێرن)، وەرگێڕانی کتێبی م.ئە.حەسرەتیان، ئینستیتیوتی کوردی برۆکسل، 1994.
- پیرسا کوردان (1891 - 1917)، وەرگێڕانی Курдистан и курдская проблема (کوردستان و کێشەی کورد) (1964) لەلایەن م.س. لازارێڤ لە ڕووسییەوە بۆ کوردی، بڵاوکەرەوەکانی ڕۆژا نوێ، ستۆکهۆڵم، 1999، 496ل، ISBN ٩١-٧٦٧٢-٠٤٩-٧.
- Împêrîyalîzm û pirsa Kurdan (1917-1923)، وەرگێڕانی Imperializm i Kurdskiy Vopros(ئیمپریالیزم و پرسی کورد (1917-1923))(1989) لەلایەن م.س. لازارێڤ لە ڕووسییەوە بۆ کوردی، بڵاوکەرەوەکانی ڕۆژا نوێ، ستۆکهۆڵم، 2002، 388 ل
پەرتووک.
- بەهار، لەگەڵ نادۆ ماکسمودۆڤ، کۆمەڵەی فۆلکلۆری کوردی، یەریڤان، 1989، 280 لBahar, with Nado Maxmudov, Collection of Kurdish Folklore, Yerevan, 1989, 280 pp., ISBN VF09184.