کۆسرەت ئەحمەد بێکەس
کۆسرەت ئەحمەد بێکەس لە دایکبووی شەستەکانی شاری هەولێرە.
مامۆستای فیزیایە بە زمانی ئینگلیزی لە ئامادەیی شەهید فاخر مێرگەسۆری.
لە هەرزەیی دەستی بە نووسین کردووە و لە لە دوای راپەڕین لەم دوو لە رۆژنامەیەکاری کردووە:
رۆژنامەی برایەتی 1992
رۆژنامەی رزگاری 1994
ئەندامی بۆردی ئەکادیمیای سیاسەت و ھزری دیموکراسی یە، هەروەها ئەندامی تۆڕی هاوکاری کۆمەڵایەتیە.
لەبواری چالاکی مەدەنی ئەندامێکی کارایە و لە چەندان رۆژنامە و گۆڤار و تیڤەکان بەرنامەو بابەتی ئەدەبی و سیاسی و ھزری ھەبووە و بلاوکراوەتەوە بە چوار زمانی کوردی و عەرەبی و ئینگلیزی و سویدی گۆ دەکات.
خاوەنی دوو کتێبی چاپکراوە:
- لەبیرکردن .com ی ئەحلام موستەغانمی لە عەرەبییەوە وەرگێڕاوە بۆ کوردی 2019
- دیوانی شیعری ( سەمای تابلۆیەکی سپی ) 2019
- دیوانی (ژن ژیان دەنووسێتەوە ) کارێکی ھاوبەشی ژنانی کوردستانە چەندان شیعر و ڕانانی ڕۆمانی لە گۆڤار و ڕۆژنامەکانی نما، دیوان، ڕامان، کوردستانی نوێ و هەولێر و چەندانی دیکە بڵاوبۆتەوە.
- بە خوێندنەوەی شیعر بەشداریی لە چەندان فستیڤاڵ و کۆڕی ئەدەبی و بۆنەکان کردووە .
- لە زۆربەی چالاکیە مەدەنیەکان بەشداری کردووە بۆ کۆمەک و بەرگری کردن لەبواری نیشتیمانی و نەتەوایەتی و ژنان و ڕۆژنامەنوسان و مامۆستایان.
- لە ساڵی نەوەتەکان چەندان چیرۆک و وتار و ڕێپۆرتاژ و بابەتی جیاجیای لە ڕۆژنامەکانی برایەتی و ڕزگاری بڵاو کردۆتەوە.
لە ئێستادا دوو پڕۆژەی نووسین و وەرگێڕانی لەبەردەست دایە، هەروەها دیوانێکی شیعری ئامادەیە بۆ چاپ.
تێبینی: تۆمارێکی تایبەت لەلایەن بەرێز (کۆسرەت ئەحمەد) بۆ کوردکۆلێکت سەبارت بەژیان و کارنامەی خۆی.