حەمەی مەهابادی (خدر رەش ئەحمەدی)

خدر رەش ئەحمەدی ساڵی 1957 لە شاری مەهاباد لەدایکبووە. لە ساڵی 1976ـەوە دەستی بە کاری هونەری کردووە.

لە 125 فیلم، کورتەفیلم و شانۆدا بەشداری کردووە.

حەمە یەکێک بوو لە ناسراوترین ئەکتەرە کۆمیدییەکان بە تایبەتی لە ناوچەی موکریانی رۆژهەڵاتی کوردستان. لە بەشێک لە فیلمەکانیدا بە ناوی حەمە رۆڵی گێڕاوە و بەو هۆیە زیاتر بەو ناوە دەناسرێت.

لەنێو خەڵکیدا پێیان گوتووە، "حەمەی مەهابادی".

خدر رەش ئەحمەدی، لە ساڵی 2010ـەوە بەهۆی جەڵتەی مێشکەوە وەکو پێشتر توانای قسەکردن و جووڵەی نەمابوو.

ڕۆژی 09-11-2023 بەهۆی نەخۆشییەوە کۆچی دوایی کرد.