کوردیپیدیا لە خەونەوە بۆ خەنە!
هاورێیان ئەوانەی دوور یان نزیک لەرێگەی کوردیپیدیاوە من دەناسن منیش لێرەوە بۆ رای گیشتی و بۆ ئێوەی ئازیز ئەوە دەخەمە روو کە لەبەرواری 08-05-2021 بەهیچ شێوەیەک پەیوەندیم بە ماڵپەر و بەناو رێکخراوی کوردیپیدیاوە نەماوە. فەرموون ئەوەش نامەی دەستلەکارکیشانەوەکەم کا تا نووسینی ئەم چەند دێرە وەڵام نەدراومەتەوە دیارە لە رووی یاساییەوە ئەگەر وەڵام نەدرێتەوە واتا قبولکراوە.!!
به‌ڕێزان:
- سه‌رۆكى ڕێكخراوى كورديپيديا
- جێگرى سه‌رۆكى ڕێكخراوى كورديپيديا
- ده‌سته‌ى گشتيى ڕێكخراوى كورديپيديا
- ده‌سته‌ى كارگێڕيى ڕێكخراوى كورديپيديا
بابه‌ت/ ده‌ستله‌كاركێشانه‌وه
دوابه‌دواى نووسراوى داواكارى و پێشنيازم له 30/4/2021 تايبه‌ت به ڕوونكردنه‌وه له‌و كاره ناياساييانه‌ى كه ڕێكخراوى (كورديپيديا) له‌ماوه‌ى ڕابردوودا گرتويه‌تييه به‌ر و نووسراوى دووه‌مم له 1/5/2021 تايبه‌ت به ئاگادابوون و به‌دواداچوون له‌وه‌ى كه نه‌ك هه‌ر وه‌ڵامم نادرێته‌وه، بگره له‌لايه‌ن سه‌رۆكه‌وه به‌بێ خواستى خۆم به‌شداريم له كورديپيديادا ڕاگيراوه!؟ به‌داخه‌وه، له‌لايه‌ن هيچ يه‌ك له ئێوه‌شه‌وه‌‌وه، دوور و نزيك وه‌ڵامم نه‌درايه‌وه! بۆيه ئه‌م بێده‌نگييه‌تان له‌لايه‌ك به واتاى به‌هه‌ندوه‌رنه‌گرتنى ئه‌و ڕه‌خنه و گله‌ييانه‌يه كه من هه‌مه و له‌لايه‌كى تريشه‌وه به‌ماناى ڕه‌زامه‌نديتانه له‌سه‌ر ئه‌و كاره ناياساييانه‌ى كه له ڕێكخراوه‌كه‌دا ده‌گوزه‌رێت.
له‌به‌ر ئه‌مه و له ئه‌مڕۆ و له‌م نووسراوه به‌دواوه، به‌نده ده‌ستله‌كاركێشانه‌وه‌ى خۆى ده‌خاته ڕوو و خۆى به به‌رپرسيار نازانێت له‌هه‌ر ده‌رئه‌نجامێكى ئه‌م بێده‌نگى و بێمنه‌تييه‌ى كه هه‌يه و بۆ وه‌رگرتنه‌وه‌ى ماف و خستنه‌ڕووى ڕاستييه‌كانيش په‌نا بۆ ياسا و ئاگاداربوونى ڕاى گشتى و زنجيره‌يه‌ك له نووسين ده‌به‌م كه ئه‌م نووسراوه و هه‌ردوو نووسراوى پێشووتريشم تێيدا وه‌ك به‌ڵگه به‌كارده‌هێنم.
مانو بەرزنجی 08-05-2021