224 روداوی ئاگرکەوتنەوە زیانی 200 ملیۆن دینار بە هەڵەبجە دەگەیەنێت

لە شەش مانگی رابردوودا لە سنوری هەڵەبجە 224 روداوی ئاگرکەوتنەوە رویداوە و بەرگری شارستانییش رایدەگەیەنێت، زیانی 200 ملیۆن دیناری لێکەوتۆتەوە. زانیار عومەر، وتەبێژی بەڕێوەبەرایەتی بەرگریی شارستانی هەڵەبجە ئەمڕۆ سێشەممە 25ی تەمموزی 2017 لە کۆنگرەیەکی رۆژنامەوانیدا رایگەیاند، لەسەرەتای ئەمساڵەوە تا 2017/6/30 لە سنوری پارێزگای هەڵەبجە 166 رووداوی ئاگری شاخ و دەشت و باخ و 58 رووداوی ئاگری بینا و دووکان و ئۆتۆمبیل روویداوە. وتیشی ئەو روداوانەوە زیانی 200 ملیۆن و 230 هەزار دیناری لێکەوتۆتەوە. راگەیاندنی ئەو ئامارە لەکاتێکدایە لە شەش مانگی یەکەمی ساڵی رابردودا لە هەڵەبجە و دەوروبەری تەنها 163 روداو تۆمار کرابوون لەو ژمارەیەش 159 حاڵەتی ئاگرکەوتنەوە بووە.

25-07-2017

سەرچاوە: ماڵپەری: دواڕۆژ، عەلی حەمەسەعید