بەڕێوەبەرایەتی گشتی کەشناسی و بومەلەرزەزانی هەرێمی کوردستان

بەڕێوەبەرایەتی گشتی کەشناسی و بومەلەرزەزانی پێدانى داتا و زانیارى (کەش و هەوا) بریتییە لە پێدانى داتا و زانیارى ڕەگەزەکانى کەش و هەوا (باران، پلەى گەرمى، ڕێژەى شێ). پێشبینى ڕەوشى کەش و هەواى هەرێمى کوردستان بەشى پێشبینى ڕۆژانە بۆ ماوەى (٤٨) کاتژمێرى داهاتوو ڕەوشى کەش و هەواى هەرێمى کوردستان لە کاتژمێر ١٠:٣٠ى بەیانى هەموو ڕۆژێک بڵاو دەکاتەوە، هەروەها لە کاتى هاتنى شەپۆڵێکى باران بارین، یان هاتنى سەرمایەکى زۆر، یاخود هاتنى شەپۆڵى گەرما، ڕاپۆرتى تایبەت بڵاو دەکەینەوە. جگە لەوانە ڕاپۆرتى پێشبینى کەش و هەوا، داتاى باران بارینى تۆمارکراو، پلەکانى گەرما و داتاى بەفربارین بڵاودەکەینەوە. بڵاوکردنەوەى ئەم داتایانە لە ڕێگاى تۆرى کۆمەڵایەتى فەیسبووک و سایتى فەرمى بەڕێوەبەرایەتییەکەمان هەروەها لە ڕێگاى ناردنى ئیمەیڵ بۆ دەزگاکانى ڕاگەیاندن و دامودەزگاکانى حکومەت.