حۆری غەمیان
حۆری غەمیان هۆزانەوان و فۆتۆگرافەر لە شاری سنە لەدایکبووە هەر لەویش ژیاوە تا ساڵی 1992 پاشان کۆچی کردووە بەرەوە تاراوگەو لە ئێستادا لە بەریتانیا دەژی.
حۆری غەمیان خاوەنی هۆنراوەی (فەرەنجی پۆش)ە کە لەرێگەی هاورێیەکی خۆیەوە بە ناوی (ش.هەورامی) پێداچوونەوە بۆ دەقە دەکات و پاشان لە رێگەی نامەیەکی زۆر بچکۆلانەوە دەێنێرێت بۆ هاورێکانی (هاورێ ئارام).
وەک خۆی دەڵیت شاعیر نەبووم بەڵکو لە مەرگی هاورێ ئارامدا ئەم دەقە لە دایکبوو.
پاشان لەلایەن هونەرمەند نەجمەدینی غوڵامی ئاوازی بۆ دادەنرێت و دەکرێت بە گۆرانی، کاتێک گۆرانێکە بڵاو دەبێتەوە حوری غەمیان خۆی لە زیندان دەبێت لەژووری تاکە کەسیدا گوێی لە گۆرانێکە دەبێتە کەسێک دەیخوێنیت.
یەک لە زیندانێکان پێ دەڵێت ئەو گۆرانیە مەڵی با ئازارد نەدەن لە وەڵامدا کەسە زێندانێکە دەڵێت خۆم لەسەر ئەو گۆرانیە زیندانی کراوم.
هەڵبەت حۆری غەمیان هیچیانی نەبینیوە وەهای بۆ (مانو بەرزنجی) گێرایەوە حوری غەمیام دایکی دوو منداڵە بەناوەکانی (سێوە و ئاران).
ئەسعەد غەمیان ناسراو بە (هاورێ ئارام) لە ساڵی 1327ی هەتاوی کە دەکاتە 1948 لە شاری سنە لە دایکبووە.
ئەسعەد غەمیان لە شارۆچکەی (ئارمێردە) لەگەڵ هاورێکانی دەکەوێتە کەمینەوە رۆژێک دوای ئەوە لە گۆڕستانێک دەیدۆزنەوە خەڵکی شارۆشکەکە دەیگەرێنەوە بۆ ناو هێزەکانی کۆمەڵە پاشان لە گوندی (سیسارک) لە نێوان سنوری دەستکردی رۆژ هەڵات و باشوور بە خاک دەسپێردێت ئێستاش گۆڕەکەی لە هەمان گوندە.
حۆری غەمیان خۆشکی شەهید ئەسعەد غەمیان (هاورێ ئارام)ە کە لە ناو ریزەکانی کۆمەڵەدا بە هاورێ ئارام ناسراوە.
ئەوەش دەقی شیعرەکەیە کە بۆ (هاورێ ئارام) نووسراوە.
فەرەنجی پۆش,كەڵپۆس لەكۆڵ.
بۆ تۆ گەڕام دۆل بەدۆڵ
هەرداو هەردم كرد دەشت وكۆ
نامە ژێر پێ گەڕام بۆ تۆ
لەدارستان لەكانی وئاو
لەگشت لا تۆم هاتە بەرچاو
گرتم شوێنی هەنگاوەكەت
پرسیم سۆراغی چاوەكەت
پرسیم لەگوڵ لەخونچە گوڵ
گژ وگیا مێخەك وسمڵ
شەوبۆ وسۆسەن وچنوور
لەگوڵاڵە شیلانی زەرد وسوور
گرتم سۆراغی بۆنی تۆ
شەیدا بوم کەوتمە شۆێنی تۆ
گەرچی نەمدین، دڵ هەر کۆێ چو
دیمەنی توی لەبەر چاو بو
دەشتی ساڕاڵ و خۆڕ خۆڕە
لە ناوی پیروزت پڕە
چەم شار سنە تا ژاوەرۆ
گشت بە داخن بۆ کۆچی تۆ
بێ ئۆقرەم لێم بڕا ئارام
بیستم تۆ نەماوی بەڵام
چونکو ڕیگات رێی خەبات بو
سەربەرزی بو بۆ نەجات بو
دەبێ بزەم بێ لە لێوان
بەرز بم وەکو لوتکەی کێوان
کێوانی کوردستانەکەم
جێگای تو کاکە جۆانەکەم
تۆ نە مردوی لە ناودڵمی
خۆێنی هەناوی بە کوڵمی
لە دەمارما دێیت و دەڕۆی
هێزی دڵ و گیانم ئەتۆیی
هەتاکو وام بەم دنیاوە
یادەکەت ڕوناکی چاوە
ئامانجت ئامانجمە ئارام
رێگات رێگامە دڵنیام