داڕێژە:Shasham
سەرۆک شارەوانی ئامەد بووە و پاشتر بووەتە پەڕڵەمانتاری روها، تورکەکان بە ئۆجەلانی دووەمی ناودەبەن.
خەڵکی دیاربەکرە و لە 01-01-1971 لەدایکبووە.
پارێزەر و چالاکڤانێکی ئەکتیڤی بواری مافی مرۆڤە، ئەو سەبارەت بەسەردەمی منداڵی خۆی دەڵێت ئەز کە چوومە مەکتەب گەلەک زەحمەتم کێشا، تورکیم نەدەزانی و بەلێدان تورکی فێرکرام.
بایدەمیر کۆلیژی یاسای لە زانکۆی دیجلەی دیاربەکر خوێندووە، لە 1999دا یەکێک بوو لەو پارێزەرانەی ئامادەیی خۆی بۆ بەرگری کردن لە ئۆجەلان راگەیاند.
لە 2003دا شەش مانگی لە ئەمەریکا بەسەر برد بۆ فێربوونی زمانی ئینگلیزی و لەهەڵبژاردنە شارەوانییەکانی 2004یشدا، لە67%ی دەنگەکانی دیاربەکری بەدەستهێنا.
بایدەمیر و ئەو تیمە گەنجەی کە لە چواردەوریەتی و شێلگیرانە پێ لەسەر گرنگی خەباتی مەدەنی دادەگرن بۆ بەرەنگاربوونەوەی دەوڵەتی تورکیا، بەناوەندی قورسایییەکی نوێ دادەنرێن لەکوردستانی باکوردا.
بەتایبەتی کە رۆژ بەڕۆژ دیاربەکر گرنگییەکی گەورەتر بەخۆیەوە دەبینێ و زۆرێک لەو کاربەدەستە بیانیانەی سەردانی تورکیا دەکەن و دەچنە ئەنقەرە و ئەستەنبول، سەرێک لەدیاربەکریش دەدەن.