ئەو خێزانەی لە سەر کوردستانی بوون سەرجەمیان بێ سەروشوێن کران

پۆلس سلێوە یوسف ئەو خێزانەی لە سەر کوردستان و یەکێتی نیشتمانی کوردستان هەموویان تێداچوون بێ سەروشوێن کران لەلایەن ئەمنی هەولێرەوە

پۆلس بڵندەر باوکی (عەبدول مەسیح پۆلس سلێوە یوسف بڵندەر) شەهید سۆرانە.

لە رێکەوتی 28-10-1988 لەلایەن ئەمنی هەولێرەوە بۆ جاری دووەم دەستگیردەکرێن و بێ سەرو شوێن دەکرێن ئەم کارەساتەش دوومانگ لە دوای شەهید بوونی شەهید سۆرانەوە ئەنجام دەدرێت.

1-سێبەرسلێوە برایمۆک خێزانی شەهید سۆران

2-پۆڵس سلێوە یوسف باوکی شەهید سۆران

3-نێرگز تۆخان ئەلیاس دایکی شەهید سۆران

4-نادیە پۆلس سلێوە

5-شەزا پۆلس سلێوە

6-یەڵدا پۆلس سلێوە

7-حەمامە پۆلس سلێوە

8-سەبیحە پۆلس سلێوە

9-وەردینە پۆلس سلێوە

شەهید سۆران کێیە؟ ناوی عەبدول مەسیح پۆلس سلێوە یوسف بڵندەر ناوی پێشمەرگایەتی(سۆران)

یەکێک بوو لە پێشمەرگە قارەمانەکانی یەکێتی نیشتمانی کوردستان.

لە ساڵی 1955 لە عەینکاوە لە شاری هەولێر لە خێزانێکی (مەسیحی) لە دایکبووە.

دەرچووی ئامادەیی پیشەسازییە ، لەساڵی 1982 پەیوەندی کردووە بە رێکخستنەکانی یەکێتی نیشتمانی کوردستان ، لە دۆڵی بالیسان .

لە 14-08-1988 لەلایەن رژیمی بەعسەوە شەهید دەکرێت.