ئەردەڵان مام وسو دزەیی
ئەردەلان یوسف محەمەد ناسراوە بە (ئەردەلان مام وسو دزەیی)، کوری پێشمەرگە و شەهید (مام وسو دزەییە).
لە ساڵی 1972 لە بنەماڵەیەکی پێشمەرگە و شۆرشگێر لە شاری قەڵادزێ لە دایکبووە.
لە (1974 تا 1991) ئاوارەی ئێران بووە.
قۆناغەکانی خوێندن تا ئامادەیی لە شارە جیاکانی ئێران و کوردستان لە (هەمەدان، نەغەدە و رانیە) تەواو کردووە و بکالۆریوسی لە (کارگێری کار) بە پلەی زۆر باش هەیە.
بە (کوردی، فارسی، تورکی و ئینگلیزی) دەدوێت و تا رادەیەکی باش لە زمانی (عەربی) شارەزایە.
لە (1986) پەیوەندی بە (یەکیتی قوتابیان و لاوان) کردووە و دواتر لە (1988) بووتە پێشمەرگە، لە کاری رێکخراوەیی و کۆمەڵگای مەدەنیدا چالاک بووە. پەیمانگای ئاکادیمیای کادیرانی پارتی بە پلەی (زۆر باش) تەواو کردووە و چەندین خولی لە بوارەکانی (رەوشنبیری، هەلبژاردن، راپرسی، کومەڵگای مەدەنی، دیموکراسیەت و بانگەشەی هەلبژاردن و.... هتد) کردووە.
لە زۆر کونگرەی دیکەی (زانستی، وەرزشی، رەوشنبیری و ئاوەدانکردنەوەی قەڵادزی و... هتد) ئەندامی کارا بووە.
ناوبڕوا لە ئێستادا خوێندکاری دواقۆناخی دکتۆرایە لە زانکۆی سۆران و زانکۆی سلێمانی لە (بەرێوەبردنی کار).
ئەم پەرتووکانەی خوارەوەی لە بەردەست خوێنەرانە:
- جەنگی نیشتمانی ئێرانیەکان لە چاڵدێران (وەرگێڕانی لە فارسی)
- ڕێبەری گەشتیاری کوردستان (وەرگێڕانی بۆ فارسی)
- میژووی میسوپۆتامیا و زاگروس، پیش ماد تا کوتایی ساسانیەکان، (وەرگیران)، (4 بەرگە).
- جەنگی نیشتیمانی ئێرانیەکان لە چالدێران، (وەرگێران).
- (رێبەری گەشتیاری کوردستان)، (دەستەی گشتی گەشتوگوزاری هەرێم)، بە فارسی.
- خاوەنی ئیمتیازی گوڤاری (زنارە) کە (49) ژمارەی لێ کەوتووتە بەردیدەی خوێنەرانی بەرێز و لە رانیە دەردەچوو.
لە سایتەکانی ئینترنێت و لە گۆڤارەکانی (زنار، رامان، کاروان، هەرێمی کوردستان، رێنوێن و رێ و... هتد) دەیان بابەتی نوسین و وەرگێرانی بڵاو بۆتەوە.
چاپکراوەکانی نووسەر:
- مام وسو ده‌زیی، گه‌شتى زۆزگ له ده‌شتى هه‌ولێر تا نه‌غەده
- مێژووی میسۆپۆتامیا و زاگرۆس؛ پێش ماد تا کۆتایی ساسانییەکان - بەرگی 1
- مێژووی میسۆپۆتامیا و زاگرۆس؛ پێش ماد تا کۆتایی ساسانییەکان - بەرگی 2
- مێژووی میسۆپۆتامیا و زاگرۆس؛ پێش ماد تا کۆتایی ساسانییەکان - بەرگی 3
- مێژووی میسۆپۆتامیا و زاگرۆس؛ پێش ماد تا کۆتایی ساسانییەکان - بەرگی 4