جەلال سەعید

امادەكردنی :خەلیل عەبدولڵا

جەلال سەعید هونەرمەندێكی دیاری كوردستانە‌و لەبواری هونەر بەگشتی‌و هونەری میللی بەتایبەتی خزمەتێكی گەورەی پێشكەش بە هونەری كوردی كردووە.ئەم هونەرمەندە ساڵی 1953 لەشاری مه‌هاباد لەدایكبووە.

هەر لە سەرەتای لاوییەوە خولیای هونەری گۆرانی بووە‌ و لەساڵی 1970ەوە بەرهەمەكانی تۆمار كردووە.

جەلال سەعیدی هونەرمەند لەگەڵ تیپی هونەری هەولێر‌ و تیپی هونەری میللی كاری كردووە‌و دەیان گۆرانی لەگەڵیاندا تۆمار كردووە.

جەلال سەعید بەشداری سەدان بۆنە‌و ئاهەنگی هونەری كردووە‌و بەدەنگە بەسۆزەكەی ئەو بۆنانەی خۆش كردووە.هەروەها لەگەڵ نمایشی تابلۆی هونەری تیپە میللییەكان‌ و گۆرانی گوتووە‌و رەونەقێكی زیاتری پێەخشیون.

هونەرمەند جەلال سەعید لەژیانی هونەریدا سەدان گۆرانی تۆمار كردووە‌وخاوەنی خەرمانێك بەرهەمی هونەرییە‌و رۆڵی دیاری هەبووە لە بوژانەوەی هونەری میللی‌و بەستایلێكی نوێوە تۆماری كردوون.

بەوەش شوێن پەنجەی بەخزمەتكردنی هونەری كوردییەوە دیارە.

جەلال سەعید هونەرمەندێكی خۆشەویست بوو ‌و خاوەنی دەنگێكی خۆش‌و رەسەن بوو ‌و هەوادارێكی زۆری هەبوو، ئێستاش بەتاسەوە گوێ‌ لە گۆرانییەكانی دەگیرێت.

بەداخەوە دوو ساڵ لەمەوبەرو بەدیاریكراوی رۆژی 9ی كانونی یەكەمی2013 بەهۆی نەخۆشییەوە كۆچی دوایی كرد‌و لەرێورەسمێكی شایستەدا لەشاری هەولێر بەخاك سپێردرا.درودی رێز‌و وەفاو ئەمەكداری بۆ گیانی پاكی جەلال سەعیدی هونەرمەندی دەنگ خۆش.