ئەلقۆش

ئەلقۆش یا ئەلکوشکێ شارەدێیەکە لە قەزای تلکێف لە پارێزگای موسڵ .ئەلقۆش دەکەوێتە ڕۆژاوای باشووری کوردستان. ھەروەھا دەکەوێتە ناوچە جێناکۆکەکانی عێراق و دەشتی نەینەوا.

ژمارەی دانیشتووانەکەی لە ساڵی 2018 بە 15.000 کەس مەزەندە کراوە، و لە مەسیحی و کوردی ئێزیدی پێکھاتووە.لە دووری (45کم) دەکەوێتە باکووری مووسڵ.

ناو

ناوەکەی دەگەڕێتەوە بۆ ڕەچەڵەکی ئارامی، بەو پێیەی پێک ھاتووە لە دوو بزوێنی "ال" بە واتای خودا و بزوێنی "قۆشتا" بە واتای ڕاستودروستی. ئەلقۆش خوداوەندی چاکەکارییە.

ھەروەھا لەوانەیە ڕەچەڵەکی ئەکەدی (ئەلقوستو)ی ھەبێت بە واتای "خودای چاکە"، "خودای ھێز". پێدەچێت ناوی ئەلقۆش (ئەلقۆش) یان (ئێلۆ قیشتو) بێت، یان (القەشتو)، وە دەتوانرێت بەستەرێک بکێشرێت بە ھێمای دیسکی باڵدارەکەی ئاشوور کە "کەوان"ی لەسەرە و بەم شێوەیەش... ناوەکە بە واتای "خودای کەوان" دێت.

لە زمانی ئارامیدا 'کەوانە' تا ئێستاش بە 'قەشتا د'ماران' ئاماژەی پێدەکرێت بە واتای 'کەوانەکەی پەروەردگارمان'.