تەحسین ڕەحمان فەرحان
شەهید تەحسین ڕەحمان فەرحان دیبەگەیی، ئەندامی کۆمەڵەی ڕەنجدەرانی کوردستان، کە لە کاتژمێری (١٣:٣٠)ی ڕۆژی (١٩٨٠/٧/١٢)دا لە ماڵی خۆمان لە دیبەگە لەلایەن ئەمنی هەولێر و بەهۆی ئەمنێکی عەرەبەوە بەناوی مەولود و موختاری دیبەگە بەناوی ڕەمەزان مەولود شێخ محەمەد گیرا، هەمان ڕۆژ لە هەولێریش شەهید جەمیل ئەحمەد مەحمود و یوسف عومەر حەکیم مستەفا گڕاوی گیران، کە بەداخەوە شەهید یوسف لە ڕۆژی (١٩٨٠/٧/٢٢)دا لە هەیئە خاسەی کەرکووک بەهۆی ئەشکەنجەی هۆڤییانەی سەدامییەکان گیانی پاکی بە کورد و کوردستان بەخشی.
دواتر تەحسین لە ڕۆژی (١٩٨٠/١٠/٢٩)دا لەگەڵ شەهید جەمیل ئەحمەد مەحمود دیبەگەیی ناسراو بە دەرسیم بڕیاری لە سێدارە دانیان درا، پاشان شەهید تەحسین لە بەرەبەیانی ڕۆژی (١٩٨١/٥/٢٦)دا لە سەربازگەی غەزلانی که دەکەوێتە باشووری شاری موسڵ بەرەو ڕێگای (حەمام عەلیل) لەگەڵ هەریەک لە (جه‌لال مه‌حمود ئه‌حمه‌د محه‌مه‌د سورداشی (سورداش/ شه‌ده‌ڵه - ی. ن. ک)، سلێمان عەبدولڵا ئیسماعیل (هەولێر/ سوسێ/ خۆشناوه‌تی - ی. ن. ک) و یونس بابه‌کر حوسێن وسو ناسراو بە یونس خۆشناو/ هه‌ولێر - ی. ن. ک) گولله باران کراو گه‌یشته کاروانی شه‌هیدانی ڕێگای ڕزگاری کورد و کوردستان.
شەهید جەمیل ئەحمەد مەحمود (دەرسیم)، لە شەوی (21.5.1981)دا لەگەڵ ١. جەمال قادر جوامێر ماوەتی (ی. ن. ک). ٢. عەلی حەمەدئەمین ئەحمەد سەیدسادقی (ی. ن. ک) لە سێدارە دران. ئەو هاوڕێیانەش لەدوای ئەواندا گیران و سزای جیا جیایان وەرگرت: (دکتۆر سەلیم حاجی ڕەشید ساڵح ئەحمەد/ ١٩٨٠/٧/١٤)، ئەحمەد ئیبراهیم ئەحمەد مستەفا گڕاوی (١٩٨٠/٧/١٣)، حەکیم عوسمان مستەفا حەکیم گڕاوی (١٩٨٠/٧/١٣) و عەزیز تۆفیق قادر لەتیف (١٩٨٠/٧/١٣)، دکتۆر یان مامۆستا سەلیم ڕەشید سەرەتا سزای لە سێدارە دانی درا و دوای ڕەخنەگرتنی لە جۆری سزاکەی، سزاکەی بۆ کرا بە هەتا هەتایە (مٶبد) و ئەحمەد ئیبراهیم ئەحمەد گڕاوی، حەکیم عوسمان مستەفا و عەزیز تۆفیق قادر، هەر یەکەیان بە (٥) ساڵ زیندانی کردن سزا دران).
سەرچاوە: دەرسیم دێبەگەیی