دوو بەندکراوی کورد لەسێدارە دران

سزای سێدارەی دوو بەندکراوی کوردی خەڵکی سایین قەڵا بەندیخانەی ناوەندیی میاندواو بە تۆمەتی کوشتنی بە ئەنقەست جێبەجێکرا.

ئاوێنە: ئەمڕۆ سێشەممە 10ی ئەیلولی 2024، رێکخراوی مافی مرۆڤی هەنگاو رایگەیاند، "دوێنێ دووشەممە سزای سێدارەی دوو بەندکراوی کورد بە ناوەکانی سلێمان قەهرەمانی تەمەن 29 ساڵ و فەیزوڵڵا حوسێن پوور لە بەندیخانەی ناوەندیی شاری میاندواو جێبەجێکرا".

ئاماژە بەوەکراوە، "فەیزوڵڵا حسێن پوور، باوکی سێ منداڵ و خەڵکی گوندی چراخەواڵ و سلێمان قەهرەمانی خەڵکی گوندی حەسەن لۆڵان بووە، هەردووکیان پێنج ساڵ لەمەوپێش لە دوو دۆسیەی جیاوازدا بە تۆمەتی کوشتنی بەئەنقەست دەستبەسەر و دواتر لەلایەن دەزگای دادوەری کۆماری ئیسلامیی ئێرانەوە سزای سێدارەیان بەسەردا سەپێنرا".