عومەر محەمەد ئەمین (عومەری پوتێ)
مامۆستا عومەر محەمەد ئەمین ناسراو بە (عومەری پوتێ)، یەكێك لە پەروەردەكار و وەرزشوانە دیارەكانی شاری سلێمانییە، كە رۆڵێكی گرنگی هەبووە لە پێشخستنی بواری وەرزش لە شارەكەدا، هەروەها سونبولێكی دیارو ماندووی بواری وەرزش بووە.
مامۆستا عومەر پوتێ ساڵی 1926 لە گەڕەكی كانێسكانی شاری سلێمانی لەدایكبووە، خوێندنی سەرەتایی و ناوەندی هەر لە شاری سلێمانی تەواوكردووە.
لە ساڵی 1945 خانەی پێگەیاندنی مامۆستایانی تەواوكردووە.
لەتەمەنی لاویدا یەكێك بووە لە وەرزشكارە بەتواناو لێهاتووەكانی سلێمانی، یاریزانی تۆپی پێ و بالەو باسكە بووە. یاری بۆ ئەو تیپەكانی ئەو قوتابخانانە كردووە كە خوێندكاربووە تێیاندا.
پاش تەواوكردنی خوێندن دەبێتە مامۆستای وەرزش لە سلێمانی، لە ساڵانی پەنجاكان تا حەفتاكان رۆڵێكی دیاری هەبووە لە بەرەوپێشچوونی بواری وەرزش و خزمەتێكی زۆری پەروەردەی وەرزشی كردووە.
ساڵی 1948 ژیانی هاوسەری پێكهێناوەو چوار كوڕو چوار كچی هەیە بە ناوەكانی (ساماڵ، شەماڵ، هەڤاڵ، پرشنگ، پەری، ئاورنگ و بەناز).
لەماوەی ساڵانی كاركردنی وەك مامۆستای وەرزش جێدەستی دیاربووە لە قوتابخانەكانی دواناوەندی سلێمانی و دواناوەندی وەتەن و ناوەندی جمهوری، سەرپەرشتی تیپە وەرزشیەكانی ئەو خوێندنگایانەی كردووە.
دواتر بووەتە بەڕێوەبەری چالاكی وەرزش و دیدەوانی، پاشان بووەتە بەڕێوەبەری قوتابخانەی (شێخ سەلام) تا ئەو كاتەی خۆی خانەنشین كردووە.
مامۆستا عومەر لە 4/10/1984، لەتەمەنی 58 ساڵیدا كۆچی دوایی
خودا لە مامۆستا عومەر خۆش بێت، هیوای شادی و سالامەتی بۆ خانەوادە بەڕێزەكەی دەخوازین.
- سەرچاوەی زانیاریەكان: (مامۆستا شەماڵ عومەر) كوڕی خوالێخۆشبوو.
- ئامادەكردنی: شیروان محەمەد سان،
بەڕێوەبەرێتی مۆزەخانەی پەروەدەیی سلێمانی
