عەلی جاف

ئامادەکردنی: نورەدین جاف

بە درێژایی سەردەمەکانی پێشوو، نیگارکێشان لە ئاڵوگۆڕی کولتووری نێوان کۆمەڵگاکاندا گرنگییەکی زۆری هەبووە.

بەو پێیەی کە ئامرازێک بووە بۆ گواستنەوەی بیرۆکەکان لە ڕێگەی تابلۆکانەوە کە نوێنەرایەتی ئەو بارودۆخە کۆمەڵایەتییە تایبەتەی هەر کۆمەڵگایەک دەکات کە ئەو تابلۆیەی لە پێشانگاکەدا پێشکەش کراوە تێیدا نەخشێنراوە.

پێشانگای هونەری شێوەکاری، ڕووکارێکی شارستانییە ،بەمەش ئاستی هۆشیاری و ڕۆشنبیری کۆمەڵگا دەپێورێت، پێشانگای هونەری دەرفەتی گەورە بۆ سەلیقەو ئیستاتیکا ی هونەری لای جەماوەر بەرهەم دەهێنن، بەو پێیەی پێشانگایەکی بەڵگەداروکولتوورەبۆ وەرگرەکە ،رۆژی ١٦ تاکوو ١٨ ـ١ ـ٢٠٢٣ لەگەلەری مۆزەخانەی سلێمانی، بەشی ھونەری شێوەکاری سەر بە بەڕێوەبەرایەتی گشتی رۆشنبیری و هونەری سلێمانی، پیشانگەیەکی تایبەتی شێوەکاریی بۆ هونەرمەند ( عەلی جاف ) کرایەوە.

لە پێشانگاکەدا (٣٦) تابلۆی جیاوازی ڕێچکەی ئەبستراکت و ئەبستراکتی دەربڕینخوازی لەخۆگرتبوو.

هونەرمەند عەلی جاف،سەرسامە بەکارەهونەرییەکانی هونەرمەندی بەناوبانگی (ڤان کوخ) هاوکات لەگەڵ تێزە فەلسەفەکانی خاتوو (سوزان لانگر)فەیلەسووف لە بواری هونەر.

عەلی جاف،لەدایک بووی شاری کەرکووکە،بەخۆرسک وێنەی کێشاوە بەهۆکاری کارەمەیی خەڵات ودەستخۆشی لێ کراوە لەلایەن ناوەندە هونەرییەکانەوە.

سێ پێشانگای هونەری شێوەکاریی لە کەرکووک کردۆتەوە ساڵانی ١٩٨٦ و١٩٨٧ ودوایین پێشانگای ناوەڕاستی مانگی یەک ی ٢٠٢٣ لەگەلەری مۆزەخانەی شاری سلێمانی بوو.