فەریبۆرز کامکاری

فەریبۆرز کامکاری ساڵی ١٩٧١ له شاری سنە له کوردستانی ڕۆژهەڵات له دایک بووه.

له ئێران بەشی سینەما و شانۆی خوێندووه. فیلم نامه گەلێکی زۆری بۆ دەرهێنەره ئێرانییەکان نووسیوه و چەند فیلمێکی کورتی ساز داوه و دەرهێناوه.

یەکەم فیلمی درێژی خۆی به ناوی "شریتی ڕەش" له ساڵی ٢٠٠٢ نووسیووە.

هەر خۆشی دەرهێنەریی ئەم فیلمەی وه ئەستۆ گرتووه. ئەم فیلمه خەڵاتی تایبەتی "لێژنەی بەڕێوەبەران"ی له فستیڤاڵی فیلمی "سینێ کویست" وەرگرتووه. کامکاری ساڵی ٢٠٠٦ فیلم نامەیەکی به ناوی "forbidden chapter" نووسیوه که دەرهێنەری ئەم فیلمه هەر بۆخۆیەتی. ئەم فیلمه بەرهەمی هاوبەشی ئێران، فەڕانسه و ئیتالیایه.

ساڵی ٢٠١٠ فیلمێکی دروست کرد به ناوی "گوڵەکانی کەرکووک" که توانی سرنجی زۆر کەس بۆ لای خۆی ڕابکێشێ.