قادر دیلان
قادر دیلان لە ساڵی 1928 لە شاری سلێمانی لەدایکبووە.
قادر دیلان لەدایکبووی بنەماڵەیەکی ناسراوە لە شاری سلێمانی، قادر دیلان کوڕی مەلا ئەحمەدی دیلانە. بەھرەی گۆرانیوتن لەلایەن قادر دیلانەوە ھەر لە تەمەنی منداڵییەوە بووە.
دیلان خوێندنی سەرەتاییی تا دواناوەندی لە شاری سلێمانی تەواو کردووە. دواتر بۆ کۆلێژ چووەتە بەغدا، دوای ئەوە لە کۆلێژی ئابووری لە زانکۆی بەغدا وەردەگیرێت.
گۆرانیبێژ و مۆسیقاژەنی گەورەی کورد قادر دیلان لە ساڵی 1948 تیپێکی مۆسیقیی کوردیی دامەزراندووە.
گۆرانییەکانی (فریشتە) و (جوانی بێناو) لە ناسراوترین گۆرانییەکانی قادر دیلانن کە شیعری شاعیری کورد عەبدوڵڵا گۆرانە .
قادر دیلان یەکێک بووە لە دەستەی دامەزرێنەری تیپی مۆسیقای مەولەوی لە شاری سلێمانی.
تیپی مۆسیقای مەولەوی کۆن گرووپێکی مۆسیقیی کوردی بوو کە ساڵی1948 لە سلێمانی بە سەرپەرەشتی قادر دیلان دامەزرا.
سەرەتا ناوی دیلان بوو و دواتر لە ساڵی1952 بە ناوی شاعیری کورد مەولەوی کرا.
ئەم تیپە بە یەکەمین تیپی مۆسیقای کوردی دەناسرێ کە ئەندام و دامەزراوەی فەرمی ھەبووبێ، ھەروەھا بە دووەمین تیپی مۆسیقا لە ئاستی عێراقدا پێناسە دەکرێ.
ئەم تیپە تا نەورۆزی ساڵی 1963 بەردەوام چالاک بوو.
لە ساڵی1962 دەچێتە دەرەوەی وڵات بۆ خوێندنی زانستیی موزیک چووە پراگی پایتەختی چیکۆسلۆفاکیا.
لەوێ بە بلیمەتی و زیرەکی خۆی بە سەرکەوتوویی بڕوانامەی دکتۆرای بە دەست هێنا.
بە هۆی کودەتای (1963) ڕێگەی گەڕانەوەی وڵاتی لێ بە سترا هەر لەو پەیمانگایەی دەرسی تێدا خۆێندبوو، بووەوە بە مامۆستا.
قادر دیلان یەکەم کورد بوو، کە بڕوانامەی دکتۆرای بە دەست هێناوە. هەروەها یەکەم کورد بووە کە سەمفۆنیای کوردی بەرهەم هێناوە و نۆتەی سەمفۆنیای هەڵەبجەشی نووسیوەتەوە؟
قادر دیلان لە18-03-1999، بە نەخۆشی کۆچی دوایی کرد.
بابەتە پەیوەستکراوەکان