كاروان حەمەتاتە ئەو پێشمەرگەییەی لە جەنگی دژ بەداعش و دووجار برینداربوو.

کاروان حەمەتاتە پێشمەرگەیەكی "خۆبەخش" بوو كەبەشداربووە لە جەنگی دژ بەداعش و دوو جار بریندار بووە، پارچە زەوییەكی رەتكردەوە كە لەلایەن حكومەتی هەرێمەوە بۆ دابینكرابوو. دەشڵێت:" داواكارم لێیان ئەو زەویەی من بگێڕنەوەو بیدەن بە كەسی لە من شایستەتر."

كاروان حەمەتاتە، كەیەكێكە لەپێشمەرگە خۆبەخشەكانی شەڕی داعش لەهەژماری خۆی، لەگەڵ دانانی فەرمانی پێدانی زەوییەكە لەهەمان كاتدا نووسراوی رەتكردنەوەی زەویەكەی داناوەو رایدەگەیەنێت:" چەندین پێشمەرگەی لە من مستەهەق تر هەیە كە بە تەواوی كەم ئەندام بوون و شایستەن زۆر زیاتریان بۆ بكرێت."

دەقی نووسینەكەی كاروان حەمە تاتە

بە سوپاسەوە

ئەمڕۆ پارچەیەك زەویم رەتكردەوە

لە پای بەشداری كردن و دووجار بریندار بوونم لە شەڕی دژ بە داعش، ئەمڕۆ پێیان راگەیاندنم كە حكومەتی هەرێم زەوی بۆ دابین كردووین.

جێگەی خۆیەتی لێرەوە سوپاسی هەڤاڵ كۆسرەت ڕەسوڵ، شاڵاو كۆسرەت ڕەسوڵ ، لیوا ئەیوب و فەرماندە و هەڤاڵانی كۆمیتەی لیوای 3 و 7ی تایبەت و كاك سامانی مام عەلی و هەڤاڵانی هێزەكانی 70 بكەم كە لە تەواوی 6 ساڵی شەڕی داعشدا هاوكار و پشتیوانمان بوون بەڵام گرنگە من لێرەوە ئەوە بڵێم ئێمە شەڕی داعشمان بە خۆبەخشی كرد و هیچ چاوێكمان لەوە نەبووە قازانجێك یان عەرزەیەك لە پای ماندوو بوون و بریندار بوونمان وەر بگرین چەندین پێشمەرگەی لە من مستەهەق تر هەیە كە بە تەواوی كەم ئەندام بوون و شایستەن زۆر زیاتریان بۆ بكرێت من خۆم بە شایستەی ئەو زەویە نازانم و سوپاسی خوای گەورە ئەكەم كە باری دارایم باشە بۆیە ڕەتم كردەوە تا كەسانی فەقیر و هەژار سودمەن بن لێی. جێگەی خۆیەتی سوپاسی بەڕێز كاك قوباد تاڵەبانی جێگری سەرۆكی حكومەتی هەرێم و بەڕێز كاك مستەفا چاوڕەش فەرماندەی هێزەكانی ۷٠ بكەم كە چەندین پارچە زەوویان بۆ پێشمەرگە بریندارەكان شەڕی داعش دابین كرد و بەردەوام لە هەوڵدا بوون تا ئەو پرۆسەیە زوو كۆتابێت.

هەر لێرەوە داواكارم لێیان ئەو زەوویەی من بگێڕنەوە و بیدەن بە كەسی لە من شایستەتر هیوام وایە بە گشتی تەواوی هێزەكانی پێشمەرگە سودمەندی ئەو زەویانە بن و ئاوڕ لە تەواوی پێشمەرگە قارەمانەكان بدرێتەوە

لەگەڵ ڕێزمدا

كاروان حەمە تاتە