وریا حەمەکەریم
وریا حەمەکەریم، پەیامنێر و پێشکەش کاری كه‌ناڵی ئێن ئاڕتی به‌یانی ئه‌مڕۆ له ڕوداوێكی هاتوچۆدا له‌سه‌ر ڕێگه‌ی سلێمانی - عەربەت گیانی له‌ده‌ستدا.
وریا حەمەکەریم، ساڵی 1986 لە شاری هەڵەبجە لە دایکبووە، ژیانی هاوژینی پێک هێناوە و دوو منداڵی هەیە.
وریا حەمەکەریم ماوەی 12 ساڵە لە ئێن ئارتی کاردەکات وەک پەیامنێر و دواتریش پێشکەشکار، له ماوه‌ی ڕابردودا پێشکەشکاری بەرنامەی گەڕیدە بوو.
لە وەرزی نوێی ئێن ئاڕ تیدا وریا حەمەکەریم پێشکەشکاری بەرنامەی گەڕیدە بوو کە یەکێکە لە پڕبینەرترین بەرنامەکانی ئێن ئارتی.
ڕۆژی٦ی شوباتی ٢٠٢٥، کاتژمێر ٥ و ٣٠ی بەرەبەیانی ئەمڕۆ لەسەر رێگای سلێمانی – عەربەت، لە نزیک بازگەی عەربەت بارهەڵگرێک خۆی کێشاوە بە ئۆتۆمبێلی وریا حەمەکەریم و هاوڵاتییەکی تردا و بەهۆیەوە وریا حەمەکەریم پێشکەشکار و رۆژنامەنووسی دیاری ئێن ئاڕ تی و شۆفێری ئۆتۆمبێلەکەی تر گیانیان لەدەستداوە..
