پەرلەمانی کوردستان- مێژووی هەڵبژاردنی خولی چوارەم ساڵی 2013
به‌ر له‌واده‌ی كۆتایی هاتنی خولی سێیه‌می په‌رله‌مانی كوردستان، د. ئه‌رسه‌لان بایز سه‌رۆكی خولی سێیه‌می په‌رله‌مانی كوردستان له‌نووسراوێكدا به‌ژماره ٤/٣/٦٢٩٨ له رۆژی ٥/١٢/٢٠١٢ داوایه‌كی ئاراسته‌ی سه‌رۆكایه‌تی هه‌رێمی كوردستان – عیراق كردووه تیایدا داوای دیاریكردنی رۆژی هه‌ڵبژاردنی خولی چواره‌می په‌رله‌مانی كوردستانی كردووه‌و ده‌قه‌كه‌ی به‌مشێوه‌یه هاتووه: “له ٧/٩/٢٠١٣ دا په‌رله‌مانى كوردستان ماوه‌ى چوار ساڵى خولى سێیه‌مى هه‌ڵبژاردن ته‌واو ده‌كات، به پێى بڕگه‌ى دووه‌مى یاساى سه‌رۆكایه‌تیى هه‌رێمى كوردستان ژماره (١)ى ساڵى ٢٠٠٥ هه‌مواركراو، پێویسته به‌ڕێز سه‌رۆكى هه‌رێمى كوردستان مه‌رسومێكى هه‌رێمى ده‌ربكات بۆ ئه‌نجامدانى هه‌ڵبژاردنى خولى چواره‌مى هه‌ڵبژاردنى په‌رله‌مانى كوردستان پێش ته‌واوبوونى ماوه‌ى یاسایى دیاریكراو له ماده‌ى ئاماژه پێكراو تیایدا ئاگادارى كۆمسیۆنى باڵاى سه‌ربه‌خۆى هه‌ڵبژاردنه‌كان بكرێت بۆ خۆ ئاماده‌كردن بۆ ئه‌م مه‌به‌سته به تایبه‌تى كه كۆمسیۆن ماوه‌ى (٦) مانگى پێویسته بۆ ئاماده‌كارى).
دواتر سه‌رۆكی هه‌رێمی كه‌وردستان به‌فه‌رمانی هه‌رێمی ژماره (٥٠) له (١٨/٤/٢٠١٣)، رۆژی ٢١/٩/٢٠١٣ دیاری كرد وه‌ك كاتی ئه‌نجامدانی هه‌لبژاردنی خولی چواره‌می په‌رله‌مانی كوردستان – عیراق و هه‌لبژاردنی سه‌رۆكی هه‌رێم چونكه ویلایه‌تی سه‌رۆكی هه‌رێمیش له‌هه‌مان واده كۆتای دێت.
دواتر رۆژی ٢١/٩/٢٠١٣ پرۆسه‌ی هه‌ڵبژاردنی خولی چواره‌می په‌رله‌مانی كوردستان به‌سیستمی نیمچه‌كراروه به‌رێوه‌چوو، تیایدا (٣١) لیست به‌شداری پرۆسه‌كه‌یان كردوو سه‌ره‌نجام (١٧) لیست توانیان سه‌ركه‌وتن به‌ده‌ستبێنن، ئه‌نجامی كۆتایی هه‌ڵبژاردنیش وه‌ك كۆمسیۆنی باڵای هه‌ڵبژاردنه‌كانی عیراق رایگه‌یاندووه‌و موساده‌قه‌ی كردووه، به‌م شێوه‌یه‌ی خوراوه‌یه:
لیست و قه‌واره سیاسیه‌كان و كۆی ده‌نگه‌كانیان
| دژمارەی لیست | ناوی قه‌واره‌و لیسته‌كان | كۆی ئه‌و ده‌نگەکانی | ژمارەی کورسی |
|---|---|---|---|
| 110 | لیستی پارتی دیموكراتی كوردستان | 743984 | 38 |
| 117 | لیستى گۆڕان | 476736 | 24 |
| 102 | لیستى یه‌كێتى نیشتمانی كوردستان | 350500 | 18 |
| 105 | لیستی یه‌كگرتووى ئیسلامى | 186741 | 10 |
| 104 | لیستی كۆمه‌ڵى ئیسلامى | 118574 | 6 |
| 101 | لیستى بزووتنه‌وه‌ى ئیسلامى كوردستان | 21834 | 1 |
| 111 | لیستی سۆسیالیست | 12501 | 1 |
| 107 | لیستی ئازادی | 12392 | 1 |
| 115 | لیستى ئاراسته‌ى سێیه‌م | 8681 | 1 |
| 126 | لیستى رافدین ( قائمه الرافدین ) | 6145 | 2 |
| 127 | ئه‌نجومه‌نى گه‌لى كلدانى سریانى و ئاشوورى | 5730 | 2 |
| 124 | لیستى پێشكه‌وتنى توركمان | 5259 | 2 |
| 121 | لیستى هه‌ولێرى توركمانى | 1951 | 1 |
| 120 | لیستى گۆڕان و نوێبوونه‌وه‌ى توركمانى | 1926 | 1 |
| 122 | لیستى جبهه‌ى توركمانى عێراقی | 1753 | 1 |
| 125 | لیستی ابناء النهرین | 1093 | 1 |
| 131 | لیستی ئەرمەن | 531 | 1 |