کاوە قادر
هونەرمەند کاوە قادر لەبواری شانۆ/دراما/سینەما ٖٖٖکاردەکات،لەساڵی 1983 بۆیەکەم جار لە سەرتەختەی شانۆ دەستی بەکاری هونەری کردووە (شانۆگەری وێرانە)لەنووسینی ؛ یوسف العانی و وەرگێڕانی ؛ڕەئووف حەسەن ودەرهێنانی: زاهیرمەحموود بوو ئەمە یەکەم دەسپێک بوو بۆئەو پاش دابڕان ودوورکەوتنەوە بەهۆی باروودۆخی ئەوسەردەمەو گیرانی لەبەندیخانەی ڕژێمی سەدام لەدوای ڕاپەڕینی 1991دەستی کردۆتەوە بەکاری هونەری لەوانە شانۆگەری (مەملەکەتی نامۆبوون) لەدەرهێنانی دلاوەر قەرەداغی، شانۆگەری(نینا) لەدەرهێنانی هونەرمەندی کۆچکردوو نەوزاد ئەحمەد،شانۆگەری (دووژمنان) لەدەرهێنانی سیروان محەمەد،شانۆگەری (بڕیار)لەدەرهێنانی جەبارمحەمەد..
هەرلەو ماوەیەدالەڕێکخراوێکی خێرخوازی بیان کاردەکات وبرەو بەخۆی دەدات لەزمانی ئینگلیزی وپاشان بۆیەکەمین جارلەساڵی 1999 ئەچێتە بەردەم کامێراو بەشداردەبێت لەزنجیرە درامای (خۆرنەوازان1999/2000، ڕەشەی پۆلیس 2003، حەسەن ئەفەندی2004،جومعە2005، گوڵەبێ ڕۆژەکان 2006)کەلەدەرهێنانی هونەرمەندی کۆچکردوو حسێن میسری بوون، هەرلەنێوان ئەوساڵا نەدا بۆیەکەمین جاربەشداری دەکات لە فیلمی درێژی کورد ی(نالی) لەدەرهێنانی هونەرمەند ئازادی حەمە بچکۆل،پاشان بەشداری دەکات لە فیلمی درێژی کوردی(لەچاوەڕوانی هیوا) لەدەرهێنانی سەعید کاکەیی ئەم فیلمە لەنێوان کوردستان و ووڵاتی (کەنەدا) بەرهەم هێنرا،فیلمی درێژی کوردی (ئاگر) لەدەرهێنانی کامەرانی حوسامی دیسانەوەدەست دەکاتەوە بەکاری دراماوبەشداری دەکات لەزنجیرە درامای کۆمێدی (فەتەڵۆس)لەدەرهێنانی هاوڕێ مستەفا،پاشان بەشداردەبێت لە زنجیرە درامای(لەگوڵێک کاڵتر) و درامای(ڕەیحانە) لەدەرهێنانی لوقمان غەریب، لە نێوان ساڵی 2008 و2009 بەشداری دەکات.
لە شانۆگەری (هاڕون ئەلرەشید)وشانۆگەری(بێم لەوێیت)کە لەدەرهێنانی هونەرمەندی کۆچکردوو حسێن میسری بوون...پاشان دەچێتەوە بەردەم کامێراو بەشدار دەبێت لە فیلمی درێژی کوردی (کوێستانی قەندیل)لەدەرهێنانی هونەرمەندی کۆچکردوو تەهای کەریمی، لەدواییدا لە ساڵی 2010 بەشداری دەکات لەدرامای کوردی / عەرەبی عیراقی (باڵندەی باشوور)، 2011 درامای (دەربازبوونی ئەستەم)،2013درامای (ڕەباب)...هەرلەو نێوانەدا بەشداری دەکات لەکوورتە فیلمی کردی (سپی وڕەش) لەدەرهێنانی دانا کەریم،لەساڵی 2012بەشداری دەکات لە فیلمی درێژی کوردی(هیوا)لەدەرهێنانی سەردارخەلیل ولەم فیلمەدا جگە لە نواندن یاریدەدەری یەکەمی دەرهێنەر بووە...
لەساڵی 2013 بەشداری دەکات لە فیلمی درێژی کوردی (گەڕان بەدوای شوناس)لەدەرهێنانی ئاوات عوسمان وئەم فیلمە لەنێوان کوردستان و ووڵاتی (بەریتانیا)بەرهەم هێنرا و هەرلەوساڵەدا بەبۆنەی کردنەوەی ئەوفیلمە سەردانی ئەو ووڵاتە دەکات و پاشان بەشداردەبێت لە کۆنفرانسی (بیست وپێنج ساڵ لەجینۆسایدوئەنفال)بۆ فیلمی دۆکیمێنتەری لە بەرلینی پایتەختی ئەڵمانیا هەرلە ساڵی 2013بەشداری دەکات لە فیلمی درێژی کوردی /فارسی (ئاشقەکان بەپێوە ئەمرن)لەدەرهێنانی شەهرامی مەسلەخی ئەم فیلمە بەشداربووە لە فێستیڤاڵی فەجری ئێرانی، پاشان لەساڵی 2014بەکاری هونەری وەک بەڕێوبەری بەرهەم بەشداری دەکات لەکوورته فیلمی (یەکەمین چیرۆک)لەدەرهێنانی دانا کەریم وهەرلەوساڵەدا بەشداری دەکات لەزنجیرە درامای (چپەی ڕابردوو)لە دەرهێنانی محەمەد گومەڕ....
هونەرمەند لەچەندین کاری دۆبلاژدا بەشداری کردووە
لەساڵی 2009 دەچێتە ووڵاتی سوریا و لەخولی ۆرک شۆپ بۆ دەرهێنان و سیناریۆ نووسین بەشداری دەکات لە ئینستیوتی ئەکادیمیای سووری
لە 2014 بەشداری دەکات لەدیداری کوورتە فیلم لەووڵاتی سوید لەشاری یۆتۆبۆری کە ئەم دیدارە لە نێوان بەڕێوبەرێتی سینەمای سلێمانی /کۆمەڵەی هونەرە جوانەکانی کورد یۆتۆبۆری سازکراو داهاتەکەی کۆکرایەوە بۆ ئاوارەکانی کۆبانی
ئێستا لەشاری سلێمانی دەژی و لە بەڕێوبەرایەتی سینەمای سلێمانی کارمەندە