میکائیل کاکەیی

میکائیل کاکەیی، هونەرمەندی گۆرانیبێژ لە ساڵی 1966 لە شاری خانەقین لە دایک بووە. خاوەن دەنگێکی ڕەسەن و سەلیقەیەکی جوانی کوردەواری و کەسێکی تێکۆشەر و نیشتمان پەروەر و دڵسۆز و بە ئەمەک بووە.

قۆناغەکانی خوێندنی سەرەتایی و ناوەندی لە خانەقین تەواو کردووە و دەرچووی ئامادەیی پیشەسازییە.

میکائیل لەگەڵ خانەوادەکەی دەگوازرێتەوە خوارووی عێراق بۆ شاری ڕومادی و پاشان دەچێتە شاری هەولێر و لەوێ نیشتەجێ دەبێت تاوەکوو ڕووخانی ڕژێمی عێراق لە ساڵی 2003 و دەگەڕێتەوە زێدی باووباپیرانی لە شاری خانەقین تا کۆچی دوایی لەوێ دەژیت.

ڕەوانشاد میکائیل کاکەیی 3 زمانی بە باشی زانیوە کە (کوردی، عەرەبی، فارسی) بووە. هەروەها شارەزایی لە ژەنینی ئامێری ساز هەبوو.

میکائیل کاکەیی خاوەنی 8 گۆرانی تۆمارکراو و 3 ڤیدیۆ کلیپ بوو، بەشێک لە گۆرانییەکانی ئەمانە بوون: -

• وڵگ وڵگ خاترانم

• مەچوو مەچوو

• مەولانا جەرگم

• شەدە شل

• دڵ زەخمدارە

• خەزان

• یاران لە جەرگم

هونەرمەند میکائیل کاکەیی دوای ململانێیەکی سەخت لەگەڵ نەخۆشی شێرپەنجە لە ڕۆژی 07-03-2022 لە شاری خانەقین، کۆچی دوایی دەکات.

ئامادەکردنی: دلێر ڕەفیق