فولکەی دەستاڕەکە

فولکەی دەستاڕەکە ئەزانی؟ بڕۆ بیخولێنەرەوە!

ئامادەکردنی: داناز عەبدولڕەحمان

ئەم ئیدیۆم و گوزارەیە ماوەیەکی زۆر وەک و توانج و پلاری گاڵتە ئامێز لە شاری سلێمانی بەکاردەهات، بەتایبەت لە ناوەڕاستی هەشتا و نەوەد و دوو هەزار و بە ئێستاشەوە،کاتێ کەسێک کە گاڵتەی بەکەسێک بکردایە یەکسەر پێی دەوت فولکەی دەستاڕەکە ئەزانی دە بڕۆ بیخولێنەرەوە ..

فولکەی دەستاڕەکە چی بوو؟.

یەکێک لەو فولکە جوانانەی ساڵانی پێشوو،کە ببووە ڕەمزێکی جوان و دۆزینەوەی ناونیشانی بەشێک لە ڕێبواران.

شوێنی پەیکەرەکە گەڕەکی سەرشەقام و هۆمەرمەندان بوو،بەرامبەر خەستەخانەی خەبات..

خوار دواناوەندی کوردستانی کچان و ئامادەیی سلێمانی باخی شێخ لەتیف و ئاشەکەی شێخ جەلال،ئەو شوێنە ئێستا ترافیکە ...

چۆنیەتی دروستکردنی ئەم پەیکەرە؟

هونەرمەند دارا حەمە سەعید یەکێکە لە هونەرمەندێکی کورد و جیهانی..

وەک خۆی دەڵێت:

ساڵی 1986 ئەندام بووم لەگەل کۆمەڵێ ئەندازیار لەوانە بەڕێزان:

کاک شێخ عومەر مەحوی و کاک کەمال عەبدوڵڵا.

کە من وەک هونەرمەندێک پێش نیارم کرد بۆ دروستکردنی فولکەیەك کە دەستاڕێکی تیا بێت پەسەند کراو نمونەیەکم لە قوڕ دروست کرد ئیتر بە چیمەنتۆ لە ناو گۆڕەپانەکە دا جێبەجێ کرا..

♦هونەرمەندی پەیكەسازی كورد (دارا حەمە سەعی)

• - 1946 لە شاری سلێمانی لەدایك بووە.
• - 1969بەكالۆریۆسی لە ئەكادیمیای بەغدا بەشی پەیكەرسازی بە پلەی زۆرباشە و یەكەمی شێوەكاری بەدەستهێناووە.
• - 1978 لیسانسی بە پلەی زۆرباشە لە ئەكادیمیای رۆما بەشی پەیكەرسازی بەدەستهێناووە.
• - 1984 گەڕاوەتەوە كوردستان.
• - 1993 ماجستێری لە زانكۆی سەلاحەدین وەرگرتووە.
• - 1973 ریلیڤی دروشمی زانكۆی سلێمانی بەبرۆنز بۆ یەكەمین جار.
• - 1976 یەكەمین پیشانگەی تایبەت لەهۆڵی ناوەندی كوردستانی كچان.
• -1981 پیشانگەی ریلیڤ و مەدالیا بەبرۆنز بۆ یەكەمین جار لەعێراق لەهۆڵی رەواق.

• - 1981 پیشانگەی ریلیڤ و مەدالیا بەبرۆنز بۆ یەكەمین جار لە سلێمانی لەهۆڵی مۆزەخانە.
• - ئەندامی كۆمەڵەی شێوەكارانی عێراقە.
• - ئەندامی هونەرمەندانی كوردستانە.
• - ئەندامی a.i.a.m المیدالین العالمیە (سەنتەری رۆما).
• - 1966-2005 داڕێژەری زیاترلە (15) پەیكەرە لە (سلێمانی، هەولێر، بەغدا، پیرمام، بابل، هەڵەبجە) لەوانە یەكەری(پیرەمێرد، مەولەوی، گۆران، عیزەدین فەیزی،مام هەژار،گیو موكریانی، گادگرۆس،..).