ساڵح بێچار
ساڵح بێچار لەدایکبووی 01-07-1967 سلێمانی گەڕەکی سەرشەقامە.
لە سەرەتای ساڵی 1984 تا 1988 لەسەر شەقامی مەولەوی شاری سلێمانی پەرتووکفرۆش بووە، بەو هۆیەوە زۆرێک لە خوێنەران، نووسەران، شاعیران، هونەرمەندان و ڕووناکبیرانی ئەوسای سلێمانی ناسیوە و دەیناسن. زۆرتریش بڵاوکراوەکانی ی. ن. ک و کۆمەڵەی ڕەنجدەران و کۆمەڵەی زەحمەتکێشانی کوردستان ی دەفرۆشت و بڵاودەکردەوە.
ساڵی 1982، لە سەردەمی خۆپیشاندانە جەماوەرییەکانی خەڵکی سلێمانی لە گەڕەکی مەجیدبەگ پەیوەندیی بە ڕێکخستنە نهێنییەکانی کۆمەڵەی ڕەجدەرانی کوردستان (کۆڕەک) ەوە کردووە. ڕۆژی 10-2-1991 لەگەڵ خاتوو منیرە ڕەسوڵ بوونە هاوسەر و ئێستا خاوەنی سێ کچی و دوو کوڕن.
بێچار یەکەم هۆنراوەی 20-10-1983 لە ڕۆژنامەی (هاوکاری) دا بڵاوکراوەتەوە.
مایسی 1985 هۆنراوەی لە ژمارە (10) ی گۆڤاری گزنگ ی یەکێتی نووسەرانی کوردستان لە شاخ بڵاوبووەتەوە.
یەکەم چیرۆکی ڕۆژی هەینی 31-1-1986 بە ناوی (نوێبوونەوەی زامی دەروونێک) لە کۆڕێکی هاوبەشی چیرۆک خوێندنەوە لەگەڵ دڵسۆز حەمە و ڕێزان حسێن دا خوێندەوە کە لە هۆڵی یەکێتی نەقابەکانی کرێکاران سازکرا.
لە زۆربەی کۆڕە ئەدەبییەکانی ساڵانی هەشتاکانی سلێمانی بە هۆنراوە، چیرۆک و نووسین بەشداریی هەبووە و لە ناوەڕاستی ساڵانی هەشتاوە هۆنراوە و چیرۆکی زۆری بڵاوبووەتەوە.
پەرتووکە چاپکراوەکان
ئەوان مرۆڤن بەرلەوەی بەساڵچووبن ساڵی 2003 لەلایەن ڕێکخراوی HelpAgeی بریتانییەوە لە سلێمانی چاپ و بڵاوکرایەوە کە نامیلکەیەکە دەربارەی ڕەوشی ژیان و گوزەرانی توێژی بەساڵاچووان لە هەرێمی کوردستان.
فریشتەسپییەکان بە هاوکاری کۆمەڵەی پەرستارانی کوردستان - 2005 سلێمانی.
هاوڕێیانی ژینگە - ئۆپەرێت بۆ منداڵان 2012 سلێمانی.
دیوانی ساڵح بێچار 2019 سلێمانی - چاپخانەی کارۆ.
لە 13-5-2005 خەڵاتی پێزانینی بەڕێز مام جەلالی وەرگرتووە، لە بەرانبەر بەشداریکردنی لە ئەدەبیاتی شۆڕشی نوێ لە شاخ.
لە 20-6-2000 وە لە ناوەندی ڕاگەیاندنی زانکۆی سلێمانی دەستەی نووسەرانی هەفتەنامەی زانکۆ، لێپرسراوی ڕادیۆی زانکۆ و پاشان لێپرسراوی ماڵپەڕی ناوەندی ناوبراو بووە.
لە 2000 تا 2004 لێپرسراوی بەشی لاتینی و بەڕێوەبەری نووسینی مانگنامەی بەدرخان بووە.
لە 01-03-2007 تا 03-04-2013 لێپرسراوی ماڵپەڕی کوردسات بووە.
چەندین هۆنراوەی ساڵح بێچار وەرگێڕدراون بۆ زمانەکانی: ئینگلیزی و عەرەبی و فارسی.
کوورتەیەک لە چالاکییەکان
- ئەندامی یەکەم کۆنگرەی یەکێتی نووسەرانی کورد 15-17-10-1991، شەقڵاوە بووە.
- ئەندامی کۆڕی ڕۆشنبیری کورد - سلێمانی، بووە 1992.
- ئەندامی کۆنگرەی دامەزرێنەری بنکەی ئەدەبی و ڕووناکبیریی گەلاوێژ بووە 1996.
- ئەندامی دەستەی دامەزرێنەری یانەی چیرۆک – سلێمانی بووە، 1998.
- لە کۆتایی ساڵی 2000 دا وەک لاتینیزان لە بەشی تێکستی کەناڵی کوردسات دامەزراوە.
- ئەندامی دەستەی دامەزرێنەری ناوەندی ڕووناکبیریی شارباژێڕ- 2008.
- ئەندامی کارای سەندیکای ڕۆژنامەنووسانی کوردستانە.
- ئەندامی فیدراسیۆنی نێودەوڵەتیی ڕۆژنامەنووسان (IFJ) ە
- دامەزرێنەری کۆمەڵەی شاخەوانیی سلێمانی 2014.
- لە 08-05-2013 تا 30-11-2015 کارمەندی بنکەی ژین و سەرنووسەری ماڵپەڕی نبکەی ناوبراو بووە.
- لە ساڵی 2000 ەوە لێپرسراوی لاپەڕەی لاتینی گۆڤاری پەپوولەی مناڵانە کە ڕێکخراوی مناڵپارێزی کوردستان لە سلێمانی دەریدەکات.
- ئێستا (2019) ئامادەکار و سەرپەرشتیاری پاشکۆی مانگانەی (یادگار) ی ڕۆژنامەی (کوردستانی نوێ) یە.
دەیان هۆنراوەی بێچار لەلایەن ئەم هونەرمەندانەی کوردستانەوە کراون بە گۆرانی:
- 1- عەدنان کەریم
- 2- شەهێن تاڵەبانی
- 3- دیاری قەرەداغی
- 4- چۆپی فەتاح
- 5- خالید ڕەشید
- 6- لوقمان سەلیم
- 7- ئاریان کەریم
- 8- زاهیر جەلال
- 9- ڕەوا جەمال
- 10- ئاڤان جەمال
- 11- کیژان ئیبراهیم خەیات
- 12- محەمەد ڕەئوف کەرکووکی
- 13- نیان عەبدوڵڵا
- 14- موحسین عەبدوڵڵا
- 15- محەمەد عەبدول
- 16- کازم ئیبراهیم
- 17- شوانە (برای میکایل)
- 18- ئاڵا عومەر
- 19- چیا فەتاح
- 20- هیوا عارف
- 21- ئەکرەم ڕەشید
- 22- سیاوەش ماملێ
- 23- حەمید عوسمان
- 24- کامەران عومەر
- 25- زەردەشت بانەیی
- 26- هونەر بابان
- 27- ئەنجام عەبدولواحید
- 28- ئالان جەمال
- 29- شیلان عوسمان
- 30- سەرکار هیرانی
- 31- بەختیار ساڵح
- 32- ئاسۆ مەحمود
- 33- هیوا هەرکوکی
- 34- ئایدن ئۆستان
- 35- ئاوێر ئازاد
- 36- سەڵاح مەنوچەر
- 37- هادی غەفوری
- 38- کەنار تەها
- 39- جەمال فاتحیان
- 40- سێوە کامیل و ڤیلیا شوان... هتد.