سەباح عەلی جاف
لە ساڵی 1983 لە کەلار – کەلاری کۆن لە دایک بووە.
لە ساڵی 1989 لە قوتابخانەی شێروانە (کۆنترین قوتابخانەی کەلار) دەخرێتە بەر خوێندن قوناغەکانی خوێندن بە سەرکەوتوانە (ناوەندی و ئامادەی) لە کەلار تەواو دەکات.
ساڵی خوێندنی 2002-2003 بە یەکەمی بەشەکەی، بەشی کۆمەڵایەتی پەیمانگای مەڵبەندی مامۆستایانی کەلار تەواو دەکات.
ساڵی خوێندنی 2013-2014 بە یەکەمی بەشەکەی، بەشی مێژوو لە فاکەڵتی پەروەردە لە زانکۆی سلێمانی لە کەلار تەواو دەکات.
لە ساڵی 2000 ەوە دەستی بە نوسین کردووە، لە بوارەکانی (شیعر، چیرۆک، ووتار، کاری رۆژنامەنوسی، لێکۆڵینەوە...) لە رۆژنامە و گۆڤارە کوردیەکاندا بابەتەکانی بڵاوکردووەتەوە، لەوانە (رامان، کۆچ، ئایدیا، شیکار، خاڵ...).
لە ساڵی 2003 – 2013 کاری رۆژنامەنوسی بۆ چەندین دەزگا و رۆژنامە کردووە وەک پەیامنێر و لێپرسراوی و دەستەی نوسەران و خاوەن ئیمتیاز لەوانە (رۆژنامەی بەرەوشار و داینەمۆ لە گەرمیان، گۆڤاری نیگا و وارڤین و هەفتانە و واڵاپرێس، رۆژنامەی ژیانەوە و ئاسۆ و کوردستانی نوێ و ئەدەب و هونەر...
ماوەی شەش مانگ بەڕێوەبەری رادیۆی تەوار بووە لە گەرمیان.
بە هۆی کارە رۆژنامەوانیەکان و لێکۆڵینەوە و چالاکیەکانیەوە چەندین خەڵات و بڕوانامەی رێز لێنانی پێ بەخشراوە.
ئەندامی نێو دەوڵەتی فیدراسیۆنی رۆژنامەنوسانی جیهانە، ئەندامی کارای سەندیکای رۆژنامەنوسانی کوردستانە.
ئێستا وەک یاریدەدەری توێژەر (معید) لە زانکۆی گەرمیان دەوام دەکات.
خاوەنی ئەم بەرهەمانەیە (کتێب) :
پەروەردە و فێربوون گرفت و گۆڕان 2011
ئەنفال 25 لە 10 رەهەندەوە 2013
چەند لاپەڕەیەک لە مێژووی ئەوروپا 2014
پەروەردە و خوێندن لە گەرمیان (کفری و کەلار بە نمونە)، (ئامادەیە بۆ چاپ)
مێژوو لقێک لە زانستە مرۆییەکان، (ئامادەیە بۆ چاپ)
ببیلیۆگرافیای رۆژنامەنوسی کوردی لە کەلار، (نامیلکەیە ئامادەیە بۆ چاپ)