داڕێژە:هه‌ڵبژارده‌ی دووه‌م
ناو : جه‌مال عومه‌ر حه‌مه سه‌عید ناسراو بە (جه‌مالی ده‌لاك ).
ساڵی له‌دایكبوون : 1963 _ كۆڵانی حاجی حان / گه‌ڕه‌كی مه‌ڵكه‌ندی / سلێمانی
ئاستی خوێندن : بڕوانامه‌ی ئاماده‌یی / زانستی
باری كۆمه‌ڵایه‌تی : خێزاندار
كاری وه‌زیفی / فه‌رمانبه‌ر له‌دیوانی وه‌زاره‌تی ڕۆشنبیری / كارگیڕی / به‌رپرسی به‌شی دۆسیه‌ی فه‌رمانبه‌رانی دیوانی وه‌زاره‌تی ڕۆشنبیری و لاوان.
گه‌وره‌یی و پڕ به‌خشش و ده‌نگی به‌سۆز وگه‌رووی پاراو ده‌ست و په‌نجه‌ی هونه‌رمه‌ندانی نه‌ته‌وه‌كه‌مه منیان كه‌مه‌ندكێش كردووه بۆلای هونه‌ره‌كه‌یان، هونه‌رمه‌ندانی نه‌ته‌وه‌كه‌م ئه‌گه‌ر به‌رزترنه‌بن له‌هونه‌رمه‌ندانی نه‌ته‌وه‌كانی دیكه دڵنیام كه‌مترنین.
له ته‌مه‌نی منداڵیمه‌وه حه‌زو خولیام گوێگرتن له‌هونه‌ری مۆسیقا و گۆرانی هونه‌رمه‌ندانی نه‌ته‌وه‌كه‌م بووه ،ئاشنایه‌تیم له‌گه‌ل زۆرێك له هونه‌رمه‌ندانی ژه‌نیارو گۆرانیبێژانی گه‌له‌كه‌مدا هه‌یه. له ساڵی (1980 تا كۆتایی 2006) كاری سه‌رتاشینم كردووه و له‌شاری سلێمانی خاوه‌نی سه‌رتاشخانه‌ی ( ڕه‌زازی) بووم.
من وه‌ك پیشه سه‌رتاش بووم و له‌شاگردییه‌وه تا ماوه‌ی(26) ساڵ له‌گه‌ڵ شانه‌و مقه‌ستداژیاوم و ئه‌و نازناوه‌م له‌پیشه‌كه‌مه‌وه وه‌رگرتووه، داوای لێبوردن له‌ناوی پیرۆزی باوكم ( عومه‌ر حه‌مه سه‌عید) ده‌كه‌م نازناوی (ده‌لاك) ناوی ئه‌وی شاردۆته‌وه، بۆزانیاری زیاتر له نێو زۆر له هونه‌رمه‌ندان و ئازیزان دا به ( جه‌مالی ڕه‌زازی) یش ناسراوم ، ئه‌ویش به‌هۆی ئه‌و په‌یوه‌ندییه برایانه له‌مێژینه‌م له‌گه‌ڵ هونه‌رمه‌ند ناسری ڕه‌زازی ، ئه‌و نازناوه‌ش به‌شانازییه‌وه له هاوینی ساڵی (2001) له‌لایه‌ن (شه‌ریفه خان_ ڕۆحی شاد بێت) دایكی هونه‌رمه‌ند ناسری ڕه‌زازی و هونه‌رمه‌ند ناسری ڕه‌زازی یه‌وه ئه‌و نازناوه‌م پێ به‌خشرا و منیشیان وه‌ك یه‌كێك له بنه‌ماڵه‌ی ڕه‌زازی ئه‌ژماركرد.