سدیق ساڵح
لە رێکەوتی 18-11-1957 لە گوندی گۆڕەدێ سەر بە شارۆچکەی چوارتا لە پارێزگای سلێمانی لە دایکبووە.
ماڵیان لە شاری کەرکووک بووە بۆ لە دایکبوونەکەی دایکی ناوبراو خاتوو (گوڵچین حەمە سەعید) دەگەرێتەوە بۆ گوندەکەی خۆیان- گۆڕەدێ سدیق ساڵح لەو گوندە لە دایک دەبێت.
لە ساڵی 1962 تا ساڵی 1968 لە شاری هەولێر ژیاون و ساڵی 1963 لە قوتابخانەی ئیبن موستەوفی و قوتابخانەی زانین (سەقافە) لە شاری هەولێر دەست بە خویندن دەکات و پاشان لە قوتابخانەی شێخ مەحموودی حەفید لە سلێمانی تەواو دەکات.
ساڵی 1977 چۆتە زانکۆی سلێمانی و ساڵی 1981 بەشی جیۆلۆژی کۆلیژی زانستی زانکۆی سلێمانی تەواوکردووە.
لە ساڵی 1983 لە کارگەی چیمەنتۆی تاسلوجە دەست بەکار بووە و ساڵی 2021 خانەنشین بووە.
یەکێکە لە دامەزرێنەرانی ئەرشیفى نەتەوەیی کوردستان لە سلێمانی وبنکەى ژین بۆ بووژاندنەوەى کەلەپووری بەڵگەنامەیی و ڕۆژنامەوانی کوردى کە لە کۆتایی ساڵی 2004ەوە لە سلێمانی دەستى بەکارەکانی کردووە و بەڕێوەبەرى ئەو بنکەیە.
