شاناز ئیبراهیم ئەحمەد
لە 01-01-1954 لە گەڕەکی سابونکەران لە شاری سلێمانی لەدایكبووە.
قۆناغەكانی خوێندنی سەرەتایی و ناوەندی و ئامادەیی و زانكۆی لە شاری کەرکووک و بەغداد و سلێمانی و تاران و دیمەشق و قاهیرە و لەندەن تەواو كردووە.
بڕوانامەی بەكالۆریۆسی لە كۆلێژی هونەرە جوانەكان لە لەندەن بەدەستهێناوە.
ساڵی 1977 لەگەڵ دكتۆر عەبدوللەتیف جەمال ڕەشید ژیانی هاوسەرگیری پێكهێناوە
دوو كوڕ و كچێكی هەیە بەهۆی كاری سیاسی ئاوارەی چەندین وڵات بووە و بە نوێنەرایەتی یەکێتیی نیشتمانیی کوردستان بەشداری دەیان كۆنفراسی نیودەوڵەتی كردووە.
لە ساڵی 1977 ئەندامی كۆمیتەی كۆمەڵەی خوێندكارانی كوردی دەرەوەی وڵات بووە.
لەگەڵ هێرۆ ئیبراهیم ئەحمەد رێكخراوی منداڵپارێزی كوردستانیان دامەزراندووە.
نوێنەرایەتی و سەرپەرشتی چەند دەزگا و ناوەندێكی لەدەرەوە كردوە وەك دەزگای شەڵتەر، منداڵپارێزی كوردستان، دەزگای میدیایی كوردسات، یەکێتیی نیشتمانیی کوردستان.
- - ئەندامی (INC) لە سەرەتایی دروستبوونییەوە (ئۆپۆزسیۆنی عێراقی).
- - لە ساڵی 2003دا بە رەسمی نوێنەری پەیوەندیەكانی یەكێتی بووە لە بەریتانیا و رێكخستنەكانی یەكێتیی لەدەرەوەی وڵات لە ئەستۆ گرتوە.
- - لە ساڵی 2012دا بە رەسمی لە ئەركی لێپرسراوی ناوەندی دەرەوەی یەكێتیی دەستبەكاربووە تا كۆنگرەی چواری یەكێتی.
- - ساڵی 2019 لە كۆنگرەی چوارەمدا بە ئەندامی سەركردایەتی یەكێتی هەڵبژێردرا
- - لە ئەنجومەنی سەركردایەتی یەكێتی وەك ئەندامی دەستەی كارگێڕی مەكتەبی سیاسی متمانەی پێبەخشرا.لە 8/8/2021 ئەركی سەرپەرشتیاری مەڵبەندی 1ی رێكخستنی سلێمانی و بەرپرسی میحوەری سلێمانی بۆ هەڵمەتی بانگەشە و هەڵبژاردنەكانی پارێزگای سلێمانی پێ سپێردرا.