نەوزاد مەجید کەریم، ڕەئوف حەسەن و سەباح حەمید
نەوزاد مەجید کەریم، ڕەئوف حەسەن و سەباح حەمید
سەباح حەمید سەبارەت بە وێنەکە دەڵیت:
من لەم کاتەدا قوتابی دواناوەندی سلێمانی بوم وە ئەندام بوم لە کۆمەڵ و هونەرو وێژەی کوردی سلێمانی بەشی شانۆ لەگەڵ کۆمەڵێ هاوڕێی خۆشەویستا وە ئەم وێنە ڕەش و سپیە بەروارەکەی ئەگەڕێتەوە بۆ٤/٦/۱۹۷۱ کەلای ڕاستەوە هونەرمەندو دەرهێنەری بەڕێز کاک نەوزاد مەجید کەریم خوای گەورە لەشساغ و تەمەن درێژی کات، ناوەڕاست خوالێخۆش بوو نوسەرو شاعیرو وەرگێری گەورە مامۆستا رەئوف حەسەن لەگەڵ بەندە ئەم وێنەیە لەناو هۆڵی کۆمەڵ وهونەرو وێژەی کوردی سلێمانی گیراوە وە خۆشترین یادەوەری لەم وێنەدا کە پێئەکەنین لەوکاتەدا کتێبەکەی بۆ ئەخوێندینەوە لەزاری مامۆستا رەئوف خۆیەوە وتی ئێستا من کتێبەکە سەروخوار ئەگرم بۆتان وە لە وێنەکەدا هەر ڕاست دەرئەچێت وە ئێمەش پێکەنین و وێنەکەش چرکا بەڕاستی مامۆستا ڕەئوف هاوڕێیەتی و دۆستایەتی زۆر پاک و خۆش بوو ئەوەی کە لە نزیکەوە ناسیبێتی هەرگیز قسە خۆشەکانی لەیاد ناکات خوای گەورە لێیخۆش بێت و جێگەی بەهەشت بێت.