ئارام کاکەی فەلاح

ئارام ئەمین فەلاح ناسراو بە ئارام کاکەی فەلاح، ڕۆماننوس و چیرۆکنووسی کوردە، لە ڕێکەوتی 09-06- 1963 لە شاری سلێمانی لەدایکبووە.

لە سەرەتای ھەشتاکانەوە دەنووسێت و یەکەم چیرۆکی بڵاوکراوەی بە ناوی تابلۆ لە ڕۆژنامەی ھاوکاری لە ساڵی1983دا بڵاوبووەوە.

لە قوتانخانەی بێخودی سەرەتایی و دوایی ئەزمەر و لە ساڵی 1986 دا بەشی زانستی فیزیای لە زانکۆی موسڵ تەواوکردووە.

بۆ ماوەی 3 ساڵ لەنێوان ساڵەکانی 1989–1991 ڕوو دەکاتە شاری خارکۆف لە ئوکراینا و لەوێ لە زانکۆی خارکۆف خوێندنی زمانەکانی ڕووسی و ئینگلیزی و لاتینی و ئەدەبی ڕووسی و ئینگلیزی تەواو دەکات.

لە ساڵی 1991یشەوە لە شاری ستۆکھۆڵم نیشتەجێیە.

بەرھەمەکانی لە زۆربەی گۆڤارەکانی ناوەوە و دەرەوەی وڵات بڵاوکردووەتەوە.

بەرھەمەکان

چیرۆک

• زێراب، کۆچیرۆک، ١٩٩١.
• بەیازی گوڵفرۆشێک، کۆچیرۆک، ١٩٩٨.
• وێنەکان دووبارە دەبنەوە، کۆچیرۆک، ٢٠٠٣.
• نووسینەوەی دڕک، کۆچیرۆک، ٢٠٠٧.
• بلیتێک بۆ جەھەنەم، کۆچیرۆک، ٢٠١٠.
• دزینی خەونەکان، کۆچیرۆک، ٢٠١١.
• من و کامێراکەم، کۆچیرۆک، ٢٠١٣.
• کارگەی تووڕەیی، کۆچیرۆک، ٢٠١٨.

ڕۆمان

• چاوەڕوانی، ١٩٩٢.
• سیزیف، ئەو کوڕەی دوو دڵی ھەیە، ٢٠١٥.
• شەربەتی ترس، ٢٠١٩.

بەرھەمەکانی تر

• شەڕە سپییەکان، کۆدیدار، ٢٠٠٩.